ئێکەتیا ئاسیا رەدکر یاری ل ھەرێما کوردستانێ بھێنەکرن
ئەڤرۆ نیوز، زنار:
ئێکەتیا تەپا پێ یا ئاسیا رەدکر یاریێن قارەمانیا ئێکەتیا ئاسیا یا تەپا پێ ل یاریگەھێن ھەرێما کوردستانێ بھێنە کرن ژ ئەگەرێ ئەوێ دورپێچا وەرزشی ل سەر وەرزشا عیراقێ.
ئێکەتیا ئاسیا ب رێکا ئێکەتیا عیراقێ راگەھاندیە کو ئەو رازی نابن بۆ ئەنجامدانا یاریێن ھەردو یانێن جەویە و نەفت وەسەت بۆ کرنا یاریێن خوە ل یاریگەھێن ھەولێر و دھۆک یێن وەرزشی ژ چارچوڤێ پشکداریا خوە یا کاسا ئێکەتیا ئاسیا یا تەپا پێ لەورا داخواز ژێ کر ل یاریگەھێن پێگوھۆر بگەرن ل وەلاتەکێ دی.
ژلایێ خوە ڤە ئێکەتیا تەپا پێ یا عیراقێ داخواز ژ ھەردو یانێن عیراقێ جەویە و نەفت وەسەت کریە یاریگەھێن وەلاتێ قەتەر ھەلبژێرن بۆ ئەنجامدانا یاریێن خوە، ھەتا رادەیەکێ مەزن یاریگەھێن وەکرە و عەرەبی دێ مێڤانداریا یانێن عیراقێ کەن بۆ ھەڤرکیێن قارەمانیا ئاسیا.
