٥٠٠ ملیون دێ ل سەر قارەمانان ھێنە بەلاڤەکرن
ئەڤرۆ:
ئێکەتیا تەپا پێ یا عیراقێ دیارکر ئەو دێ یانا زەورا وەکو ھەلگرا ناسناڤێ خولا عیراقێ بۆ وەرزێ ئەڤ سالە ٢٥٠ ملیون دینارێن عیراقی خەلاتکەن کو نێزیکی ٢٠٠ ھەزار دولارێن ئەمریکی وەکو دیاریا تیما رێزا ئێکێ دخولا عیراقێ دا.
ھەردیسان ئێکەتیا تەپا پێ ل سەر مالپەرێ خوە دیارکری یە یانا نەفت وەست وەکو تیما رێزا دوێ ب کوژمێ ١٥٠ ملیون دیناران دێ ھێتە خەلاتکرن و یانا تەلەبە ئەوا شیا رێزا سیێ ب دەستخوڤە بینت دێ ب کوژمێ ١٠٠ ملیونا ھێتە خەلاتکرن.
ھەژی گوتنێ یە یانا زەورا ل وەرزێ ئەڤ سالە شیابوو ناسناڤێ خولا عیراقێ ب دەستخوڤە بینت پشتی ١٥ خال کومکرین د قوناغا بژارە یا عیراقێ دا و یانا نەفت وەست رێزا دوێ ١٤ خال و تەلەبە ب ١٢ خالا رێزا سیێ ھاتبوو.
