ئێکەتیا عیراقێ ژڤانێ یاریێن قوناغا دویێ ئاشکرا کرن
ئەڤرۆ:
لژنا بەریکانەیان ل ئێکەتیا تەپا پێ یا عیراقێ ژڤانێ ئەنجام دانا یاریێن قوناغا دویێ و یێن پاشخستی ژ خولا عیراقێ یا تەپا پێ بۆ یانێن نایاب ئاشکرا کرن.
زێدەتر د ڤی چارچوڤەی دا ئێکەتیا عیراقێ رۆژا پێنجی ھەیڤا شوباتا سالا بھێت دەستنیشان کر بۆ ئەنجامدانا یاریێن قوناغا دویێ یێن خولا عیراقێ یا تەپا پێ بۆ یانێن نایاب.
ئێکەتیا ناڤبری دیسان ژڤانێ یاریێن پاشخستی ژی ئاشکرا کرن کو بریارە ژ وان یاریێن پاشخستی یاریا د ناڤبەرا یانا زاخۆ و زەورا دا دێ ل ٢٦ ڤێ ھەیڤێ ل یاریگەھا یانا بەغداد بێ جەماوەر ھێتە کرن و دیسان یانا دھۆک ژی دێ یاریا خوە ل ٥ ھەیڤا بھێت ل گەل مینا یاریگەھا زوبێر ل بەسرا کەت و ژ یاریێن دی یێن پاشخستی مەسافی و کارەبا دێ یاریا خوە ژ گەرا نەھێ ئەنجام دەن و دیسان تەلەبە و نەجەف ژی دێ ل یاریگەھا جەویە یاریا خوە کەن و جەویە و نەفت ئەلوەسەت دێ ل یاریگەھا یا دەویێ یاریێن پاشخستی ب دووماھی ئینن.
ل دووماھیێ ئێکەتیا ناڤبری ئەو چەندە ژی ئاشکرا کر کو چو یاری ل یاریگەھا شەعب ناھێنە کرن ژ بەرکو نوکە کارێن سەخبێریێ د ئەردێ یاریگەھێ دا دھێتە کرن.
