ئەتلەتیکو مەدرید پێگوھورێ کرێزمان ئاشکراکر
ئەڤرۆ نیوز:
ل دیڤ ژێدەرێن دەنگوباسی دبیت ب رێژەیا ھەرە مەزن ل ھاڤینا بھێت ستێرا فرەنسی و یانا ئەتلەتیکو مەدرید ئەنتونیو کرێزمان پێکھاتیێ وێ یانێ ب جە بھێلت و بەر ب یانا بەرشەلۆنا بچیت.
رۆژناما ئاس یا ئیسپانی ئاشکراکریە راھێنەرێ یانا ئەتلەتیکو مەدرید و بەرپرسێن وێ یانێ پێگوھورێ کرێزمان دەست نیشانکریە ھەکە وی یاریزانی ل دووماھیا ڤی وەرزی پێکھاتیێ یانا پایتەختێ ئیسپانیا ب جە ھێلا.
ھەردیسان ئەوێ رۆژنامێ ئاشکرا کریە ژی راھێنەرێ یانا ئەتلەتیکو مەدرید دیگو سیمیونی بەرپرسێن یانێ ئاگادارکرینە ھەکە کرێزمان ل دووماھیا ڤی وەرزی بەر ب یانەکا دیڤە چوو وی دەمی پێدڤی یە ئەو یانە ھەڤبەستێ ل گەل وەلاتیێ وی و ستێرا ئەنتر میلان ماورو ئیکاردی ئیمزا بکەن کو سیمیونی پەیوەندیێن باش ل گەل ئەوی ھێرشبەری ھەنە و دشێت ئەوی یاریزانی رازی بکەت بوو کرنا یاری ل یانا ئەتلەتیکو مەدرید.
ل دووماھیێ وێ رۆژنامێ ئاشکراکریە ژی بەرپرسێن یانا ئەتلەتیکو سوز دایە وی کوژمێ ھەلوەشاندنا ھەڤبەستا ئیکاردی ئەو بەرھەڤبکەن ھەکە ھێرشبەرێ ئەوان یێ کرێزمان ل وەرزێ بھێت نەما ل گەل ئەتلەتیکو مەدرید دێ کوژمەکێ مەزن بوو وی ستێرا ئەنتر میلان بەرھەڤکەن.
