ئەرکێ نوونەرێن پارێزگەھا دھۆکێ دخۆلا کوردستانێ دا ل یاریێن سوباھی دا بزانە
ئەڤرۆ نیوز، ھەژار مەعروف:
چاڤەرێ دھێتەکرن سوباھی شەش یاری ژ خۆلا فاست لینک یا کوردستانێ بھێنەکرن ژ چارچوڤێ یاریێن گەرا چارێ و دڤێ حەفتیێ دا بریارە ھەمی یاری ل ئێک رۆژ دا بھێنەکرن ژبەر خولا دادڤانی ئەوا بریارە ل دەستپێکا حەفتیا بھێت ل باژێرێ ھەولێرێ بھێتەڤەکرن.
دڤێ حەفتیێ دا ئەرکێ نوونەرێن پارێزگەھا دھۆکێ یێ ب سانەھی نابیت كو تیما زێرەڤانی ھەلگرا سێ ناسناڤێن وەرزێ بوری دێ یاریەکا ب ھێز بەرامبەر ھندرین کەت کو تیما زێرەڤانی ل سێ یاریێن بوری بتنێ دو خال ھەنە ل حەفتیا بوری توشی مەزنترین خوسارەتی بوو.
یانا زێرەڤانی بۆ ڤێ یاریێ بەرھەڤیێن باش کری نە تایبەت پشتی ئینانا ھێرشبەرەکێ تورکی ل جھێ گولچیێ خوە بەرامبەر یانا ھندرین خودانا دو خالانە ژ دو یاریا ئەو ژی دێ بزاڤێ کەت مفای ژ رەوشا نوکە یا زێرەڤانی وەربگرت. ژلایەکێ دیڤە ژ ھەمان کوم تیما زاخۆ دێ مێڤانداریا شێروانە کەت و ھەولێر دێ بیتە مێڤانا کەرکوک ل یاریگەھا کەرکوک.
ژ چارچوڤێ یاریێن کوما دوێ تیما دھۆک دێ بیتە مێڤانا سولاڤ دڤێ یاریێ دا راھێنەرێ دھۆکێ دێ پشت بەستنێ ل سەر زوربەیا ئەوان یاریکەران کەت ئەوێن ل حەفتیا بوری یاری کری و شێیان سەرکەفتنێ ل سەر گارە توماربکەن و تیما دھۆک نوکە خودانا حەفت خالایە ل سەرێ لیستەیا ڤێ کومێ دھێت و تیما برایەتی ژی پێنج خال ھەنە. نوونەرا دوێ یا پارێزگەھا دھۆکێ دڤێ کومێ دا تیما گارە دێ یاریەکا ب زحمەت ل باژێرێ سلێمانیێ کەت دەمێ دبیتە مێڤانا یانا نەوروز و تیما پێشمەرگا ھەولێرێ دێ ل یاریگەھا خوە مێڤانداریا یانا سولاڤ کەت.
إنهاء الدردشة
