ئەرکێ نوونەرێن پارێزگەھێ یێ ب سانەھی نابیت
ئەڤرۆ، ھەژار:
چاڤەرێ دھێتەکرن سوباھی یاریێن گەرا سیێ ژ خولا پلا نایاب یا کوردستانێ ل سەر ئاستێ لاوان بھێنە ئەنجامدان و ھەر چار نوونەرێن پارێزگەھا دھۆکێ د کوما ئێکێ دا ئەرکێ ئەوان یێ ب سانەھی نابیت کو دو ژ وان دێ بەرب باژێرێ ھەولێرێ چن و یاریا زێرەڤانی و دھۆک ژی دێ یاریا دێربی بیت ل سەر ئاستێ لاوان.
ل یاریگەھا خوە تیما لاوێن زێرەڤانی دێ مێڤانداریا لاوێن یانا دھۆک کەت و تیما زێرەڤانی ژ دو یاریان چار خال ھەنە، بەرامبەر دھۆک بتنێ خودانا خالەکێ یە دڤێ یاریێ دا زێرەڤانی بوو پاراستنا سەرێ لیستا خولێ بەرامبەر دھۆک دھیڤێن ڤەگەراندنا ھەڤرکیێ دانە و ژلایەکێ دووڤە گارە دێ بەرب باژێرێ ھەولێر چیت دەمێ دبیتە مێڤانا لاوێن یانا پێشمەرگا ھەولێر ل یاریگەھا وێ ل باژێرێ ھەولێر و تیما زاخۆ ژی دێ یاریا خوە ژ دەرڤەی یاریگەھا خوە کەت دەمێ د بیتە مێڤانا لاوێن برایەتی و د یاریەکا دی ژ ھەمان کوم لاوێن ھەولێر دێ ھەمبەری لاوێن ھندرین بەن.
ھەژی گوتنێ یە دڤێ کومێ دا ھەشت یانە د پشکدارن ھەتا نوکە زوربەیا یانا وەکو ئێکن ژلایێ جوداھیا خالان ڤە کو سێ یانا چار خال ھەنە ئەوژی زێرەڤانی و ھەولێر و زاخۆ و ھەردیسان دو یانە دو خال ھەنە ئەوژی پێشمەرگا ھەولێر و ھندرین و ھەر ئێک ژ یانێن دھۆک و گارە و برایەتی خالەک ھەنە.
