ئەرێ تو چارەنڤێسی ئیسکو د زانی ل وەرزێ بھێت ؟
ئەڤرۆ نیوز:
رۆژناما میرو یا برێتانی دیارکری یە راھێنەرێ یانا ریال مەدرید نافێ یاریکەرێ ھێلا ناڤین یانا ریال مەدرید و ھەلبژارتیێ ئیسپانیا ئیسکو کری یە دناڤا لیستەیا ئەوان یاریکەرێن فروتنێ ل ڤەگوھاستنێن ھاڤینا بھێت و داخوازی ژ کارگێریا یانێ کری یە یاریکەرەکێ دی ل جھێ وی بھێتە ئیمزاکرن.
سێ یانێن مەزن ل ئورۆپا ھەڤرکیا ب دەستڤە ئینانا ئیسکوی کەن
راپورتێن رۆژنامەڤانی ل ئیتالیا وەسا داینە دیارکرن یانا یوڤانتوس حەزا خوە دیارکری یە ھەڤبەستێ ل گەل ستێرا ھێلا ناڤین یا ریال مەدرید ئیمزاکەن بۆ وەرزێ بھێت بۆ ب ھێز ئێخستنا ھێلا ناڤینا خوە کو ل جھێ یاریکەرێ خوە یێ فەرەنسی ئەگەر رێزێن پێکھاتیێ تیمێ ب جھـ ھێلا کو دبیت ل وەرزێ بھێت پوکبا پێکھاتیێ یانا ئیتالی ب جھـ بھێلیت.
رۆژنامەیێن ئینگلیزی ژی چەند دەنگوباس بەلاڤەکری نە و دیارکری نە راھێنەرێ یانا لیڤەرپول یورگن کلوپ یێ ئەلمانی داخوازی ژ کارگێریا یانا لیڤەرپول کری یە زیترین دەم ھەڤبەستێ پێشکێشی یانا ریال مەدرید بکەن ژ بۆ ب دەستڤە ئینانا شیانێن ئیسکو کو دیارکری یە ژی ب ھەبوونا وی دێ ھێزەکا دی یا مەزن دەتە ھێلا ناڤینا یانا وی بۆ ھەڤرکیی ل سەر رێزێن پێشیێ دخولا ئینگلتەرا دا .
رۆژناما میرۆ یا برێتانی د نوچەیەکێ خوە یێ دوھی دا بەلاڤەکری یە بایرن میونیخ جانسێ وێ ژ ھەر یانەکا دی مەزنترە بۆ ب دەستڤە ئینانا ئیسکو ھەر چەندە ب فەرمی نە ھاتیە راگەھاندن کو یانێ حەزا خوە بۆ ئینانا ڤی یاریکەری دیارکر بیت لێ ئەگەر ھاتو ماریو گونزو یانا بافاری ب جھـ ھێلا وی دەمی ئەنشلوتی دێ داخوازی ژ یانا بایرن میونیخ کەت ھەڤبەستێ لگەل ئیسکو ئیمزابکەن ژبەرکو بتنێ ئەڤ یاریکەرە دێ شێت جھێ گونزو پر بکەت ل ھێلا ناڤینا بایرن میونیخ و ل سەر دەمێ ئەنشلوتی ژی ل ریال مەدرید ئەوی راھێنەرێ باوەریەکا مەزن دا ڤی یاریکەرەی ل یانا ریال مەدرید.
