ئەرێ مە جارەكێ هزرا خوە كریە کا بۆچی زاڕۆك درەوێ دكەت؟
مەدینا محەمەد
درەوركرنا ل نك زارۆكی ئێك ژ ئەوان كارانە یێن دبنە ئەگەرێ نەئارامی و دلتەنگكرنا پڕانییا دایكوباب و مامۆستا و كەسێن دەوروبەری زارۆكی و پڕانییا جاران ل دەمێ كۆمەك تاكێن جڤاكی دبینن یان دبهیسن زارۆكەك درەوێ لێ دكەت، ئێكسەر كۆمەكا هزر و كارڤەدانان ل نك پەیدا دبن. ژ وان: (ئەڤ زارۆكە باش نەهاتییە پەروەدەكرن، پاشڤەبرنا زارۆكی ب شێوەیەك نەجوان، سزادانا زارۆكی…).
ئەرێ مە جارەكێ هزرا خوە كرییە بۆچی زارۆك درەوێ دكەت؟ زارۆك چاوا درەوێ دگەهیت؟ چاوا بەرێ زارۆكی ژ دەروێ بدەینە پاش؟ و كۆمەكا پرسێن دی…
بەربەلاڤترین ئەگەر:
ـ گەلەك جاران زارۆك درەوێ دكەت داكو سەرنجا كەسێن دەوروبەر (تایبەت هەڤتەمەنێن خوە) بۆ خوە ڕابكێشێت
- نەبوونا پەروەردەیەكا دروست و ڕێكوپێك د ژینگەها مالدا
ـ درەوكرن ل بەر چاڤێن زارۆكی
- هەبوونا سزایێن توند و دژوار
ـ نەبوونا ئارامی و سەقامگێرییێ د ژینگەها زارۆكی دا.
- هەبوونا ترسێ ل نك زارۆكی.
ـ نەبوونا پشتگیرییان.
ـ بەرواردكرنا زارۆكی ب زارۆكەك دی.
هندەك ڕێك ژبۆ چارەسەرییێ:
ـ درەوان ل زارۆكی نەكەن
ـ شڕۆڤەكرنا ئەنجام و بهایێ گۆتنا ڕاستییێ (تایبەت ب ڕێكا چیرۆكان)
ـ بەردەستكرن و دابینكرنا كەلوپەل و پێدڤییێن زارۆكی
ـ دوور بوون ژ ئێشاندنا جەستەی
ـ خەلەتی و كێماسییێن زارۆكی مەزن نەكەن
ـ چارەكرنا ئەگەرێ درەوكرنێ
ـ پەیداكرنا ژینگەهەك ئارام و سەقامگیر بۆ زارۆكی
ـ پەیداكرنا باوەرییێ ل نك زارۆكی (ل ڕێكا نیشاندان و ڕاسپاردنا هندەك كار و چالاكییێن بچووك و جۆراوجۆر.
پڕانییا جاران دایكوباب و مامۆستا دشێن ب ڕێكا چیرۆك، ستران و شانۆیان پەیام و تشتێ مەبەست پێ هەی بگەهینن زارۆكی یان ژی ب رێكێن پەروەردەی یێن دروست.
