ئەز و سێڤ و کولیلکێن زەر
رەمەزان ئیسماعیل گەرەگوهی
ئـەز…
بەلگەک بووم
ب توڕیتکا
چەقێن ڤێ دارا سێڤێ ڤە
تـو…
سێڤەک بووی ل نێزیکی من
ب پیژیەکێ
بخەمل وجوانێ تاکێن وێڤـە
نـە ئـەز..
زەربووم و ژێ وەریام
نە تو..
قورمچی و ژێ کەفتی
هەتا ل مە بـوویــە ئاخلێڤـە
***
ئەز…
تاڤیەکا بارانێ بووم
ل هنداڤی باخچەکی دچووم
مێزە دکەمێ؛ کولیلکێن وی
ژ تێهنادا یێن زەربوین و
چرمسین و یێن بووینە کۆم
پشتی ئەز باریمە بسەردا
دەردۆرا وان
بوونە شیڤک وجەلال وجۆم
هەمیا سەرێن خوە ڕاکرن
پێ خەملین
بەروبەتەن، زۆزان و زۆم
ئەز ژی
گەلەک پێ کەیفخۆش بــووم.
