ئەفغانستان: بریار هاتەدان جێگرێن هەموو پارێزگەهان ژن بن
ئەڤرۆ نیوز:
ژ پێخەمەت پشکداریەکا زێدەتر یا ژنان د پۆستێن برێڤەبرنا وی وەلاتی دا، حوکمەتا ئەفغانستانێ بریار دا، جێگرێن هەموو پارێزگارێن وی وەلاتی ژن بن.
سەدەق سدقی پەیڤدارێ بناڤێ سەرۆكاتیا كۆمارا ئەفغانستانێ راگەهاند: ب بڕیارا جڤاتا وەزیران و ل سەر دەست پێشخەریا وەزارەتا كاروبارێن ژنان، جێگرێن هەموو پارێزگارێن ئەفغانستانێ پێدڤییە ژن بن، مەرەم ژڤێ بریارێ ئەوە ژن پشکداریەكا زێدەتر د برێڤەبرنا وەلاتی دا بکەت.
ئەفغانستان ئێكە ژ وان وەلاتان، کو ڕێژەكا زۆر یا توندوتیژیێ ل هەمبەر ژنان تێدا دهێتە ئەنجامدان، د ژیەكێ گەلەک بچووكدا كچ دهێنە نەچاركرن شوو بكەن.
