ئەلمانیا دێ 600 پەنابەران وەرگریت
ئەڤرۆ نیوز:
چالاکڤانەکێ ئێزدی د وارێ مافێن مرۆڤی دا ل ئەلمانیا راگەھاند کو وەلاتێ ئەلمانیا رازەمەندیا خوە دیارکریە بۆ وێ چەندێ ل سالا بھێت مافێ پەنابەریێ بدەتە 600 ئێزدیان.
ب گورەی وێبسایتێ ئێزدی 24، سالم سالح، چالاکڤانێ ئێزدی دیار کر کو پارتیا ئێکەتی دیموکراتی کریستیان (CDU) کو پارتا (ئەنگێلا مێرکل)ە شیرەتکارا ئەلمانیا، شیایە ل باژێرێ بەرلینێ پایتەختێ وەلاتێ ئەلمانیا رازەمەندیا حوکمەتێ وەرگریت بۆ پێدانا مافێ پەنابەریێ ب 600 ئێزدیان.
ب گورەی ھەمان راپۆرت چالاکڤانێ ناڤھاتی دیار کریە کو رازەمەندیا تمام یا حوکمەتێ ھاتیە وەرگرتن بۆ پێدانا مافێ پەنابەریێ و ل دەستپێکا سالا داھاتی ئەڤ بڕیارە دێ کەڤیتە د وارێ بجھئینانێ دا.
سالمی خویا کر کو ئەڤ بەرنامە دێ ب سەرپەرشتیا ھندەک رێکخراوان مرۆڤی بیت بۆ وێ چەندێ رێکارێن فەرمی بگرنە بەر و ڤیزائەلمانیا ب وان ئێزدیان بھێتەدان.
