ئەمریكا بریارەکا نوو بۆ سزادانا ئیرانێ دەرخست
ئەڤرۆ نیوز ، زنار تۆڤی:
د پێنگاڤەکا نوودا دادگەهەکا ئەمریكی بریاردا كو ئیران گۆژمێ 104 ملیۆن دۆلاران بدەتە قوربانیێن تەقینەکێ یا کو ل سالا 1996 ل عەرەبستانە سعودیێ روودای، کو ببوو ئەگەرێ کوشتنا 19 سەربازێن ئەمریكی.
بێریل هاول دادوەرێ وێ كەیسێ راگەهاندیە کو 15 سەربازێن دیتر یێن ئەمریكی د وێ كۆمەلگەهێ ڤەبوون یاکو ئەو تەقین تێدا روودای، ئەو ژی توشی كێشا دەروونی بووینه و پێدڤیە ئەو ژی بهێنە قەرەبوو كرن، هەروەسا ئەو تەقینە ل سالا 1996 ل كۆمەلگەها تاوەرێن خەبر ل سعودیێ روودایە.
پۆل جاستون پارێزەرێ وێ كەیسێ بۆ میدیایان راگەهاندیە، کو خودانێن سكالایان دلێ وان یێ خۆشە ب وێ بریارا دادگەها ئەمریكا و چاڤێ وان ل هندێ یە کو ب زووترین دەم ئەو پارە ب وان بهێتەدان.
