ئەمریکا دێ هژمارا سەربازێن خوە ل عیراقێ کێم کەت
ئەڤرۆ نیوز:
رۆژناما وول ستریت جورنال، ژ زاردەڤێ چەند بەرپرسێن ئەمریکی راگەهاندیە: ل دو هەتا سێ هەیڤێن بهێت ئەمریکا دێ هژمارا سەربازێن خوە ل عێراق بۆ 3500 سەربازان کێم کەت، کو نوکە هژمارا وان نێزیکی پێنج هزار و 200 سەربازانە.
ب کێمکرنا وێ هژمارێ، ئەمریکا دێ نێزیکی ئێک ل سەر سێ یا سەربازێن خوە ل عیراقێ کێم کەت. ئەڤە ژی د چارچۆڤێ بزاڤێن دۆنالد ترەمپێ سەرۆکێ ئەمریکا بیت، ب گوتنا چەند بەرپرسێن ئەمریکی کو وول ستریت جورنال ناڤێن وان ئاشکرا نەکریە، ئەمریکا و عیراق ل دەمێ سەرەدانا کازمی بۆ واشنتۆن ل حەفتیا بوری ئەو بریارە دایە، بەلێ پەیڤدارێ پێنتاگۆنێ رەتکریە، کو هیچ ئاخفتنەکێ د وی واری دا بدەت.
