ئەمریکا شەرێ دۆلاری ل گەل دەولەتێن هەڤدژی خوە دكه‌ت
ئەڤرۆ نیوز ، زنار تۆڤی:
سەنگەر سەید قادر مامۆستایێ زانکۆیا ئەمریکی ل قاهیره، بۆ ئەڤرۆ نیوز دیار کر: بەری شۆرەشا ئیسلامی یا ئیرانێ ٧ تۆمەنێن ئیرانی بەرامبەری دۆلارەکێ بوون، لێ نوکە ١١٠٠٠ تۆمەن بەرامبەری ئێك دۆلارى نه، هەروەسا بەری بهارا عەرەبی ٤١ لیرێن سووری بەرامبەری دۆلارەکێ بوون، لێ نوکە ٦٥٥ لیرێن سووری بەرامبەری دۆلارەکێ ئەمریکی نە. دیسان ل مسرێ ژی بەری بهارا عەرەبی ٥ جونەیێن مسری بەرامبەری دۆلارەکێ بوون، لێ نوکە ١٦جونەی بەرامبەری دۆلارەکێنە، هەروەسا ل توركیا ژی بەری بزاڤا كودەتایا گولەنیان ئێك دۆلار بەرامبەری ٣ لیرێن تورکی بوو، لێ نوکە ئێک دۆلار نێزیكی ٦ لیرێن تورکی نە، هەروەسا دینارێ عیراقێ بەری داگیركرنا عیراقێ ناهێتە هەڤبەرکرن، چونكی ل سالا ١٩٧٩ ئێك دینارێ عیراقی نێزیكی دو دۆلار و نیڤان بوو، لێ نوکە دۆلارەک ب ١١٦٥دینارا یە.
ناڤهاتی گۆت ژی: رۆبلێ رووسی کەفتیە دڤی شەری دا، چونکی بەری كێشا ئۆكرانیا هەر دۆلارەک ب ٢٤ رۆبلان بوو، بەلێ پشتی كێشا ئۆكرانیا نرخێ هەر دۆلارەکێ گەهشتە نێزیكی ٧١ رۆبلێن رووسی، گەلەک نەمابوو رووسیا تۆشی گرفتەکا مەزن یا دارایی ببیت، هەروەسا د نوکە دا شەرێ چین و بریتانیا و ئێکەتیا ئورۆپا بۆ هندێ یە، کو خوە بپارێزن ژ شەرێ دراڤێ دۆلاری و زیانێن وی.
