ئەمـریکـا: دێ ئابـوورێ ئیرانـێ ژناڤ بەیـن
بەرپرسەکێ وەزارەتا دەرڤە یا ئەمریکا کو ناڤێ وی نەهاتیە ئاشکرا کرن بۆ ئاژانسا رویترز یا نووچەیان دیار کریە، ئەمریکا هەموو دانوستاندنێن ل گەل ئیرانێ داینە راگرتن و د رەوشا نها دا چو دانوستاندن ل گەل ئیرانێ ناهێنە کرن و نها ئەمریکا چەندین بژاردە ل بەردەست دانە و دێ ب هەموو رەنگەکێ کار بۆ لاوازکرنا رژێما نها یا ئیرانێ هێتە کرن و هەتا دو حەفتیێن دی ترامپ دێ چەندین بریارێن نوو ل دژی ئیرانێ دەت، هەروەسا دێ ئەمریکا ب هەموو رەنگەکێ کار بۆ ژناڤبرنا ئابووری ئیرانێ کەت و وەسا دێ رژێما ئیرانێ گەلەک لاواز بیت و دی نەچار بیت هەموو داخوازیێن ئەمریکا ژی قەبوول بکەت.
ل ئالیێ دی محەمەد باقر قالیباف سەرۆکێ پەرلەمانێ ئیرانێ ژی دیار کر، سەپاندنا سزایێن نوو یێن ئابووری ژ ئالیێ ئەمریکا ڤە نیشا ددەت کو ئەمریکا هەتا نها ل هەمبەر ئیرانێ یا سەرکەفتی نەبوویە و تووشی شکەستنێن مەزن هاتیە و ژ بەر ڤێ یەکێ ژی ئەمریکا دڤێت ئابوورێ ئیرانێ ژناڤ ببەت، لێ ئەمریکا نەشێت کارەک وەسا بکەت و دێ دیسان سەرکەفتن بۆ گەلێ ئیرانێ بیت.
ئیسماعیل بەقایی پەیڤدارێ وەزارەتا دەرڤە یا ئیرانێ ژی دیار کر، دڤێت وەلاتێن رۆژهەلاتا ناڤین نەبنە پشکەک ژ شەڕێ ئەمریکا یێ ل دژی ئیرانێ و هەر وەلاتەک هاریکاریا ئەمریکا بکەت دێ بیتە ئارمانجا ئێرشێن ئیرانێ.
