ئەنجوومەنێ نیشتمانی دێ نڤیسینگەها خوە ل عەفرینێ ڤەکەت
ئەڤرۆ
ئەنجوومەنێ نیشتمانی یێ کوردی ل سووریێ (ئەنەکەسە) راگەهاند پشتی کۆمبوونا هەری دووماهیێ یا سەرکردایەتیێ ل قامشلۆ وان بریار دایە نڤیسینگەهێن خوە ل عەفرینێ و جندرێسێ ڤەکەن، چونکی ژ بەر بیڤەلەرزا ڤێ دووماهیێ زیانێن گەلەک مەزن گەهشتینە عەفرینێ و جندرێسێ و پێویستیا خەلکی ل وێرێ ب هارکاریێن بلەز یێن مرۆڤی هەنە، ژ بەر هندێ ژی وەکو ئەنجوومەنێ نیشتمانی یێ کوردی ل سووریێ وان بریار دایە نڤیسینگەهێن خوە ل عەفرینێ و جندرێسێ ڤەکەن.
ئەنجوومەنێ نیشتمانی یێ کوردی ل سووریێ هەروەسا دیار کریە، کو دەزگەهێ خێرخوازیێ بارزانی وەکو ئێکەم دەزگەهێ خێرخوازی هاریکاری گەهاندنە عەفرینێ و جندرێسێ و ژ بەر هندێ ژی ئەو سوپاسیا سەرۆک بارزانی و دەزگەهێ خێرخوازیێ بارزانی دکەن، کو د رەوشەکا وەسا خراب دا هاریکاریا خەلکی کرن.
