ئەنشلوتی یاریزانەکێ ریال مەدرید کریە ئارمانجا خوە
ئەڤرۆ:
راھێنەرێ یانا ناپولی یا ئیتالی یێ نوو کارلوس ئەنشلوتی چەند یاریزانێن نوو پێشکێشی بەرپرسێن یانا ئیتالی کرینە بۆ ئیمزاکرنا ھەڤبەستا ئەوان یاریزانان ل مێرکاتویا ھاڤینا ئەڤ سالە .
ل دویڤ ژێدەرێن دەنگوباسی ل ئیتالیا ئەنشلوتی ژ بەرپرسێن یانێ خواستی یە زیترین دەم دەست ب دانوستاندنان ل گەل یانا ریال مەدرید بکەن بۆ دەستڤە ئینانا ھێرشبەرێ فرەنسی و یانا ریال مەدرید کەریم بن زیما.
رۆژناما سپورت یا ئیتالی ئاشکراکریە ئەنشلوتی دخوازیت یاریزانێ خوە کەریم بن زیما بینتە دناڤ رێزێن پێکھاتیێ یانا ناپولی بۆ وەرزێ بھێت کو ناڤبری سەرپەرشتیا ئەوی کریە دو وەرزان و شیانێن ئەڤی یاریزانی باش دزانیت ل دویڤ گوتنا ئەوێ رۆژنامێ کو یانا ناپولی بەرھەڤیا خوە دیارکریە کوژمێ ٧٠ ملیون یورۆیا پێشکێشی یانا ریال مەدرید بکەت بۆ دەستڤە ئینانا کەریم بن زیمای .
ھەژی گوتنێ یە کەریم بن زیما ھەر ل سالا ٢٠٠٩ ژ یانا ئولومپیک لیون ھاتبو ڤەگوھاستن بۆ ناڤ رێزێن یانا ریال مەدرید و ھەتا نوکە یێ بەردەوامە ل گەل یانا مەلەکی کو د ماوێ بوری دا ٤١٢ یاری ل گەل ریال مەدرید کرینە شیا ١٩٣ گولان توماربکەت ھەردیسان ١١٥ گول ژی دروستکرینە .
