ئەنفال
خورشید تەوفیق باکۆزی
ئەنفال فەنا ژیانێ بوو
تلخەک ژپێتا خەردەلێ
هێژ یاهەلە…
حەلەبچە و گەرمیان و
گەلیێ بازێ ئاگرێ پێڤە و
برین کەدەرەکا کەلە و
هەناسێن بای دبڕینێ دا
ب بای داخ دکەتن…
(تویکا ) و (برجین)
کەندێن گارەی هێژ ددویداینە و
دەردێ (کورێمێ) گرانە و
بڕینا وێ یاهەودایە
بڕینا وێ هێژ یا گەرمە و ژانا دکەتن
ئەڤ کەلاهە .. کەلا زۆلمێ…
کەلاوێران…
ئەڤ قڕگەهە هەڵامەتە و
مام (عەبدولڵا)
یێ ژئەڤرۆ یا مە تووڕەیە و
یێ نفرەتا ل رەشەکێن بای
ل دێوێن شەڤێ و
یێ نفرەتا ل کەربوکینا
چاخی دکەتن…
دکەتە هاوار دکەتە گازی
فارق بابوو کانێ فەخری…؟
کانێ حەیدەر…؟
کانێ فەرید کانێ ئەرجان …؟
کانێ و کانێ ..؟
کامەزارگەهێ شەهیدا و
کا ئەنفالکریێن ئەنفالا و
کا گۆرێن وان ..؟
یێن جانێ خۆ ژبووی ڤێ ئاخێ
ئاخا پیرۆز کرین قوربان…
داکو بێن و چەند جەلاد و
ئەنفالچیان
خاک فرۆش و موغلاجیان
ژڤێ ئاخا پیرۆز بکەنە دەر..
بەلکی بەلکو
جانێ قوربانیان ڤەژیت و
شادبیتەڤە ئەڤ وەلاتە و
شادبیتەڤە تەڤ کوردستان
تەڤ کوردستان…