ئەوێن گەنمێ نەجەف دزین هاتنە دەستە سەر کرن
ئەڤرۆ نیوز:
دبەیاننامەکێدا دەستەیا دەستپاکیێ ل عیراقێ ئاشکرا کریە: ڤەکۆلین ل گەل چار بەرپرسان دهێنە کرن، کو ل سایلویێن نەجەف کار دکەن، دیسان پتر ژ 750 تەنێن گەنمی کو بهایێ وی گەنمی دگەهیتە 400 ملیون دیناران، دیسان 330 هزار دۆلارێن ئەمریکی دبەرزەنە.
ژ ئالیێ خوە ڤە دەزگەهێن راگەهاندنێ یێن عیراقێ دووپاتکرینە، کو رێڤەبەرێ گشتی یێ سایلویان و هژمارەکا بەرپرسان ل سەر دزینا وی گەنمی ژسەر کاری هاتینە لادان.
د دەمێ دو رۆژێن بوری دا، بابەتێ دزینا گەنمێ جوتیاران ژ عمبارێن پارێزگەها نەجەف، بۆ جهێ ترانە پێکرنێ ل سەر پێگەهێن جڤاکی ل عیراقێ، بکارهینەرێن وان پێگەهان وێنێن کوتر و بالندان و ڕۆلێ وان د دزینا گەنمیدا ب رەنگەکێ، کو جهێ پێکەنینێ بوو بەلاڤکرن.
بکارهینەرێن پێگەهێن جڤاکی، وێنێن کوترێن بشاشک، یان بسەرێن فیل و بزنا بەلاڤکرینە، وەکو دەربڕینەک ژ نە قایلبوونا وان ب گوتنێن بەرپرسێن سایلویان دەربارەی خوارنا گەنمی جوتیارێن نەجەف ژلایێ کوتر و بالندان ڤە.
