ئەو زارۆکا…
سەگڤان ئەحمەد
بێ دەستهەلاتێن
وارێ ڕۆژێ
بەرەف بیابانێ برن
ئەڤە نە مرۆڤ بوون
هرچ و هۆڤ بوون
چاوا ب ساخی
ئەو لبن ئاخ کرن
کا ئایەتا:
(اذا الموٶدة سئلت
بأی ذنب قتلت)؟
ئەو زارۆکا
یاریکا وێ ل بەر ملا
یا دێمێ وێ ژ ڕەنگێ گولا
پێلاڤا وێ ژ لاستیکێ
خودانا وێ زەر کەزیکێ
ئەو ل ڕۆژا دوماهیکێ
دێ پسیار کت
بۆچی هاتن کوشتن
ب ڤی ڕەنگی
ب دەستێن زۆردارا
وی نەهنگی…
یان ئەو دایکا
جەگەر سۆتی
هێشتا نارینك
بۆ لاوێ خوە
وێ نە گۆتی…
هەمی پێکڤە
ل بن ئاخ کرن
لەو دبێژم
گەلی کوردا
ببن ئێك ڕێز
وانا ژ دیرۆکێ
وەربگرن.
