ئەو كەسێن ژ دەرڤەی وەلاتی هاتین دشێن خۆ تۆماربكەن
بێوار حەمدی:
وەزارەتا بازرگانیا بەغدا دیار كر، ب هزاران كەس ژێك جودابوینە و هێشتا خو ژێك جودانەكریە و نوكە ئەو دشێن پلێتەكا نوو وەربگرن و گۆت: وەزارەتا بازرگانیا بەغدا گۆتیە ژی كو ئەو كەسێن ژ دەرڤە ژی هاتین دشێن ببنە خودان پلێتا ئاهێن خوارن.
حسێن سەبری، رێڤەبەرێ ڕێكخستنا پلێتێن ئاهێن خوارنێ د دیدارەكێ دا بۆ ڕۆژناما ئەڤرۆ گۆت: ژ بەر كو گەلەك ئاریشە ل وەزارەتا بازرگانیا بەغدا هەنە، ژ لایێ پێزانین و داتایان ڤە، لەوما وان ب فەر دیت پلێتا ئاهێن خوارنێ ببنە ئەلكترونی و ئەڤە سێ سالە ڤێ قوناغێ دەسپێكریە و قوناغ ب قوناغ بڕێڤە دچیت و گۆت: قوناغا دەستپێكێ ژ هەیڤا 6 یا سالا 2025 دەسپێكریە، هەتا دووماهیا سالێ و ژ هەیڤا 1/1 یا ئەڤ سالە قوناغا ئەلكترونی یا زێدەكرنا زارۆكان دەسپێكریە ژ ئێك سالێ تا كو 12 سالی و هەتا نوكە 47 هزار كەس هاتینە توماركرن.
د بەرردەوامیا ئاخفتنا خودا دیاركر، ب ڕێیا ڤی ئەپلیكەیشنێ ئەلكترونی ژ بۆ هەر حالەتەكێ ژێكڤەبونا هەڤژینان ژی دشێن ب ڤێ رێكێ خۆ توماربكەن و ببنە خودان پلێتەكا تایبەت و گۆت: (د قوناغا سیێ دا وەزارەتا بازرگانیا بەغدا ب هزاران كەس هەنە كو خۆ ژێكجودانەكرینە و ژێك جودابووینە و نوكە ئەو دشێن خۆ جودا بكەن و ببنە خودان پلێتەكا نوی).
حسێن سەبری ئەو چەندە ژی دا زانین، د نوكەدا وەزارەتا بازرگانیا بەغدا بریاردایە هەر خێزانەكا ژ دەرڤەی وەلاتی هاتبیت و ئەرزاقی ناوەرگرن، ئەو دشێن سەرەدانا ڕێڤەبەریێ بكەن و خۆ توماربكەن، دا كو ببنە خودان پلێتا ئاهێن خوارنێ.
هەروەسا گۆت: (ئەگەر كور ل سەر پلێتا بابێ خوە بیت و هەڤژینا وی ژی ل سەر یا بابێ خوە ل ڤی دەمی نەشێن خۆ جودابكەن، چونكو ل دەسپێكێ دڤێت بهێنە ڤەگۆهاستن بۆ پلێتا خێزانا كوڕی ژیا بابی بۆ خەزیری و گۆت: تا نوكە ب تنێ دوو ڤەگۆهاستن ماینە كار ل سەر دهێتە كرن، ئەو ژی ڤەگۆهاستنا خێزانێ ژ پلێتەكێ بۆ ئێكا دی و ڤەگۆهاستنا ژ شوینكارەكی بۆ ئێكێ دی).
