ئەو مالێن بەر لەهیێن بارانێ كەفتین ل شێخان هاتن قەرەبووكرن
ئەڤرۆ نیوز ،بارزان مزووری:
ئه‌ڤرۆ پێنجشه‌مبى 13 كانونا ئێكێ 2018 وەزارەتا سامانێن سرۆشتی ب هەماهەنگی دگەل كۆمپانیا هانت وێل یا بەرهەمئینانا په‌ترولێ ل قەزا شێخان، ئەو مالێن ل بەر لەهیان كەفتین ب كەلوپەلێن ناڤمالێ هاتن قەرەبووكرن .
سه‌ردار یه‌حیا ،قایمقامێ قەزا شێخان بۆ ئەڤرۆ نیوز گۆت” ل دەستپێكا دروستبوونا لەهیان ژ ئەگەرێ بارانەكا ب هێز چەندین مال دناڤ سەنتەرێ باژێرێ شێخان ئاڤ دەربازی ناڤمالێن وان بوون ئەو كەلوپەلێن ناڤمالێ دا زیانێن مەزن پێ كەفتبوون ژلایێ لژنا زیان پێكەفتیان هاتبوونە تۆماركرن، ژلایێ وەزارەتا سامانێن سرۆشتی ب هەڤكاری دگەل كۆمپانیا هانت وێل یا بەرهەمئینانا په‌ترولێ هاتن قەربووكرن ب كەلوپەلێن ناڤمالێ .
هشیار بامەرنی، نوونەرێ كۆمپانیا هانت وێل بۆ ئەڤرۆ نیوز دياركر ژوان هاریكاریا بۆ 10 خێزانان هاتن دان هەر خێزانەكێ ل دووڤ هژمارا كەسان دناڤمالێ دا هاتن دان ژوان هاریكاری یێن ناڤمالێ بەتەنی و دوشەك و سوپێن گازێ و یێن كارەبێ و مەحفیر ل دووڤ لیستەكێ هاتبوونە بەرهەڤكرن ژلایێ قایمقامیا قەزا شێخان .
