ئەو ژنێن بەر مەیخانە و کافیا کار دکەن دەست درێژایا سکسی ل گەل دھێتە کرن ئەڤرۆ نیوز:
ئه‌ڤرۆ نيوز:
موچێ کچەکێ ل بەر کافیەکی 600 دولار بوون وکورەکێ بھایێ ھزار دولاران دیاری بۆ کری بوون، ئەڤێ رەفتارێ ئاریشێن جڤاکی وئابووری ژێ پەیدا دبن، دەروونناسەک وەسا ئاشکرادکەت ھەبوونا ژنان و کچان ل بەر کافیا دبیتە ئەگەرێ پەیدابوونا تێرکرنا حەزێن گەنجان ب رێیێن خەلەت.
شەمسەدین خودانێ گول کافی ل زاخۆ بۆ ئەڤرۆ دیار دکەت کو ئەو ژنێن دگەل مە کاردکن بەھرا پتر خەلکێ روژئاڤانە وبیانینە و گۆت: ھەر کچەکا لنک مە کاردکەت نێزیکی ملیون دینارا وەک مووچە وەردگرت بەرامبەر شەش دەمژمێرێن کاری، ھەر ژنەکا مە لڤێنەک ژی دیت دھێتە دوورخستن، ھەتا نوکە مە دو ژی دەرخستینە، ھەبوونا کچا ل کافیا ئەگەرێ پەیدا بوونا داھاتیە و گەلەک گەنج ژ بەر ھندێ قەستا کافیێ دکەن. کچەکێ نەڤیا ناڤێ خوە ئاشکرا بکەت گۆت: ئەو پارێ ل بەر کافیا دگەھیتە مە ل جھێ فرۆتنا جلکا ناگەھتە مە، ئەم ھەیڤێ ھەموویێ نەە دەمژمێر کار بکەین مووچێ مە نابیتە 300 ھزار دینار دبەرامبەردا شەش دەمژمێرێن کافیێ ئەم زێدەتر ژ ملیون دینارا وەردگرین. دەروونناس نزار عسمەت مامۆستایێ زانکویا زاخۆ دبێژیت: ل زانستێ دەرووناسی لەق ھەنە ئێک ژ وانا بازرگانیە پەیوەندی دناڤبەرا دوو رەگەزادا گریدای سروشتێ مرۆڤیە د کەلتورێ مەدا، ھەتا نوکە مە نەشیایە غەریزا سکسی تێربکەین چۆنکو ھەتا نوکە قوتابخانێن مە کچ وکور ژێک جوداکرینە ودناڤ مال وخێزانێن مەدا ئافرەت ھێلا سورە نابیت پەیوەندی ھەبیت، گۆتژی کج دسروشتێ خوەدا بۆ خزمەتێ وپاقژکرنێ باشترە ژ زەلامی. زیدەتر گوت: زەلام جلێن ژنان بفروشن دکەلتورێ مەدا باش نینە، بەروڤاژی ژن جلێن ژنا بفروشن ھندەک ژن یێت ھەین شەرم دکەن داخازا ھندەک تشتا ژ زەلاما بکەن، کا چەوا ھەتا نوکە نوژدارێن زەلام یێن زارۆ بوونێ نینن وەسا فروتنا جل وپێداویستێن ژنان ژی نەشێن بکرن. دەرووناس ل دۆر رێیێن چارەسەریێ دبێژیت: ئاستێ خواندنێ نابیت کچ وکور ژێک بێنە جوداکرن، نوکە ھندەک قوتابخانە تایبەتن بەس بۆ کورا ھەما ژ دەستپێکا ئاڤاکرنا تاکە کەسی، ئەم وەسا فێر بکەین کو چ جیاوازی نینە دا حەزێن وان تێرببن ھێشتا د قوناغێن ئاڤەدانکرنێ دا، یادویێ ئەم وەسا تیبگەھینین کو ژن د سروشتَێ خوەدا ھەست و سوز و دڵینی لنک ھەیە و د شێت پتر خزمەتێ بکەت و بەرھەمی زیدە بکەت. عەبدولرەحمان سوبحی جالاکڤان د وارێ چڤاکی دا دیار دکەت کو ھەبوونا کچان ل بەر کافی وئوتیل و بازارێت ڤەخوارنا مەی دبێتە ئەگەرێ ھندێ کو سەرەنجا گەنجان راکێشن کو قەستا وان جھا بکەن زوربەیا وان ژن ل ڤان جھا کاردکەن، ھندەک جلکێن وەسا لبەر خوە دکەن کو لەشی وان تێدا دیار دبێتە جھێ ھندێ خەلک قەست بکەت، گۆتژی سەرەرای بوھایێ وان یێ گران کو کارتێکرنێ ل بارێ ئابووری دکەت، ھەڤالەکی دنیاسم خودان کافیە، مووچی کجەکێ 600 دولارن کورەکی بھایێ ھزار دولاران دیاری بۆ کرینە وھەر جارەکا دگەل دەرکەڤیت بھایێ 500 دولاران تشتا بۆ دکریت. زێدەتر گوت: کارکرنا زەلامان ل بەر فرۆتنا جلکێن ژنان ژ گەڤن دا یێ ھەی، بەلێ کارکرنا ژنان ل بەر کافیە تشتەکی نوو یە و گەنجێ من ھزر ل ھندێ ناکەت دەمێ دچێتە کافیێ ژ بەر کچێ خووشکا وی و دەیکا وی دچێتە نک زەلامی جلکێن خوە یێن نافخویێ دکرت کار نە عەیبە، بەلێ بۆچی ل بەر کافیا بۆچی مە سەرتراشێن زەلام ژن نینن بۆچی ل بەر چایخانین مللی نینن، ئەو ژنێن ل کافا کاردکن وەل ھندەک گەنجان کرینە پارە ژ وان داخازا کرینە پارە ل قوماری داینە وگەلەکا پارە ژ مالێت خوە دزینە ب تنێ ب شەڤێ بچێتە تک وی ژنێ، گۆتژی ژ ھەموویێ گرنگتر ئەوە دەمێ ئەم ئازادیێ دەینە کچێ ئەو وەسا ھزر دکەت کو دەیک وباب دبێژتێ ھەرە کارێن خراب بکە تێکەلیا زەلامان بکە ودگەل دەرکەڤە یان جلکێن تەنگ بکە بەرخوە.
