ئەڤرۆ بۆدجا گشتیا عیراقێ دێ بۆ سەرۆک کۆماری ھێتە رەوانەکرن
ئەڤرۆ:
ئەندامێ لیژنا دارایی ل جڤاتا نوونەرێن عیراقێ سەرحان سلێڤانەی بۆ ئەڤرۆ دیار کر کو ژبەر ھەبوونا ھندەک شاشیێن چاپێ بۆدجا گشتیا عیراقێ ھێشتا بۆ سەرۆک کۆماری نەھاتیە رەوانەکرن دا کو ئیمزا بکەت و گۆت “رەنگە ئەڤرۆ یان سوبەھێ ھەموو شاشیێن چاپێ بھێتە راستڤەکرن و بۆدجە بۆ ئیمزاکرنێ بگەھتە بەر دەستێ سەرۆک کۆمارێ عێراقێ.
سەرحان سلێڤانەی ئەندامێ لیژنا دارایی ل جڤاتا نوونەرێن عیراقی دیار کر کو ھەر دەمێ بۆدجە بگەھتە سەرۆک کۆماری ئەو دشێت د رۆژێ دا ئیمزا بکەت و کار ب بۆدجەی بھێتەکرن و گۆت “بزاڤ دێ دبەردەوام بن ئەڤرۆ بۆدجە بھێتە رەوانەکرن بۆ سەرۆک کۆمارێ عیراقی داکو کاری ل سەر بکەت و ئیمزا بکەت و ھەر دەمێ ژ ئیمزا کر ئیکسەر دێ کەڤیتە د خزمەتا خەلکی دا”.
ئەندامێ لیژنا دارایی ل جڤاتا نوونەرێن عیراقێ دیار کر کو ھەتا ھووربینی ل سەر ھەموو بۆدجەی نەھێتە کرن و ھەموو شاشیێن چاپێ نەھێنە راستڤەکرن بۆدجە بۆ سەرۆک کۆماری ناھێتە رەوانەکرن و گۆن “ل ڤان رۆژێن بۆری شاشیێن چاپێ بەردەوام ھاتینە راستڤەکرن و نوکە چ تشتەکێ وەسا نەمایە رەنگە ئەڤرۆ ١٠/٢/٢٠١٥ بۆدجە بھێتە رەوانەکرن بۆ سەرۆک کۆماری”.
