ئەڤرۆ بەلاڤکرنا گازا سپی ل سەنتەرێ دھۆکێ دێ دەست پێ کەت

ئەڤرۆ نیوز، ھوگرمحەمەد تاھر:

قایمقامێ قەزا دھوکێ ئاشکرا کر کو ئەڤرۆ بەلاڤکرنا گازا سپی ل سەرنتەرێ باژێرێ دھۆکێ دێ دەست پێ کەت و گۆت: “قووناغا ئێکێ دێ ل سەر زێدەتری 10 ھزار خێزانان ھێتە بەلاڤکرن”.
جەھوەر عەلی، قایمقامێ قەزا دھوکێ د داخویانیەکێ دا بۆ ئەڤرۆ نیوز راگەھاند کو بڕیارە ل دەمژمێر 11:00 سپێدەھیا ئەڤرۆ ل دو جھێن سەرنتەرێ باژێرێ دھۆکێ دەست ب بەلاڤکرنا گازا سپی ل سەر وەلاتیان بھێتە کرن و گۆت: “ھەر دو جھێن ھاتینە دەستنیشانکرن مەیدانا بەرامبەر مزگەفتا جودی ل تاخێ ( KRO) و جھێ دویێ ل نێزیک مزگەفتا سپی ل سەرێ پیشەسازیا ترۆمێلان ل تاخێ سەرھلدانێ”.
ناڤھاتی ئاماژە دا وێ چەندێ کو
ھەر خێزانەکێ دێ 200 لێترێن گازا سپی ب بھایێ 43 ھزار دیناران ل سەر ھێنە بەلاڤکرن و گۆت: “د قووناغا ئێکێ دێ گازا سپی ل سەر 10 ھزار و 50 خێزانان ھێتە بەلاڤکرن ب تایبەت ئەوێن کوبوونێن خوە ژ دەف بریکاران وەرگرتین”.

کۆمێنتا تە