ئەڤرۆ شانده‌كێ مسرى دێ سه‌ره‌دانا عیراقێ كه‌ت
ئەڤرۆ نیوز:
شانده‌كێ بلند یێ وەلاتێ مسری دێ سه‌ره‌دانا به‌غدا یا پایته‌ختێ عیراقێ كه‌ت و دێ ل گه‌ل به‌رپرسێن حوکمه‌تا عیراقێ كۆم بیت.
شاندێ مسری ب سه‌رۆكاتیا مسته‌فا مه‌دبولى، سه‌رۆك وه‌زیرێن مسرێ ئه‌ڤرۆ دێ سه‌ره‌دانا به‌غدا یا پایته‌ختێ عیراقێ كه‌ت و دێ ل گه‌ل مسته‌فا كازمى، سه‌رۆك وه‌زیرێن عیراقێ كۆم بیت.
وەسا بریاره ل دوشه‌مبییا بهێت ب سه‌رپه‌رشتییا مسته‌فا كازمى سه‌روكوه‌زیرێن ئیراقێ و مسته‌فا مه‌دبوولى، سه‌رۆك وه‌زیرێن مسرێ، هه‌مى رێككه‌فتنێن پێشتر دناڤبه‌را به‌غدا و قاهیره دا هاتینه كرن، بهێنه ئیمزاكرن.
بەری نوکە به‌غدا و قاهیره د بیاڤێن وزێ، چاندنێ، پیشه‌سازى، كاره‌ب، ئاڤ و ڤه‌گوهاستنێ دا رێككه‌فت بوون و نوکە ئه‌و شاند بۆ ئیمزاكرنا وان رێككه‌فتنان دێ سه‌ره‌دانا به‌غدا كه‌ت.
