ئەڤرۆ فیسته‌ڤالا سینه‌مایى یا دژى تیرۆرێ ل هه‌ولێرێ دەست ب کارێن خوە کر
ئه‌ڤرۆ نیوز ، زنار تۆڤى:
سه‌رۆك و رێكخه‌رێ گه‌را پێنجێ یا فیسته‌ڤالا سینه‌مایى یا دژى تیرۆرێ بۆ ئه‌ڤرۆ نیوز دیار كر: ئەڤرۆ سێشەمبی 25 شواتا 2020 ل دەمژمێر چاری ئێڤاری ل هۆلا ئیمپایەر فیسته‌ڤالا سینه‌مایى یا دژى تیرۆرێ ل هه‌ولێرا پایته‌خت ده‌ست ب كارێن خوه کر و بۆ ده‌مێ چار رۆژان دێ یا به‌رده‌وام بیت، هه‌روه‌سا 36 كورته فلمان پشكداری دڤێ فیسته‌ڤالا سینه‌مایى دا كریە و ژ وان ژى 27 كورته فلمێن كوردى و 9 كورته فلمێن عیراقى.
پشتیوان عه‌بدوللا سه‌رۆك و رێكخه‌رێ گه‌را پێنجێ یا فیسته‌ڤالا سینه‌مایى یا دژى تیرۆرێ ل هه‌ولێرێ زێده‌تر بۆ ئه‌ڤرۆ نیوز گۆت: ل سالا بورى وه‌زاره‌تا ره‌وشه‌نبیرى یا حوكمه‌تا هه‌رێما كوردستانێ پشته‌ڤانیه‌كا ته‌مام ل فیسته‌ڤالێ كر و بێى كو مه پێدڤى ب سپۆنسه‌ران هه‌بیت، لێ ئەڤ سالە وەزارەتا رەوشەنبیڕی ئەو پشتەڤانیە نەکر، سەرەرای پاشخستنا فیستەڤالێ بۆ دەمێ چەند حەفتیان، لێ ئەم شیاین ئەڤرۆ ڤێ فیستەڤالێ برێڤە ببەین و هەتا 28 شواتێ دێ یا بەردەوام بیت.
