ئەڤرۆ نەخشە و پلانێن جھێن گەشتیاری دێ ھێنە راگەھاندن
ئەڤرۆ نیوز، لەزگین جوقی:
مامۆستایەکا زانکۆیا دھۆک بۆ ئەڤرۆ نیوز دیار کر کو ئەڤرۆ سپێدی ل دەمژمێر ١٠:٣٠ دێ ئەنجامێن نەخشە و پلانێن جھێن گەشتیاری ل دھۆکێ ھێنە راگەھاندن.
د. شرین یونس، مامۆستایا زانکۆیا دھۆک دیار کر کو ژ ئەنجامێ چەندین ورک شوپ وسمیناران ئەو گەھشتینە ھندەک نەخشە و پلانێن نوو بۆ جھێن گەشتیاری کا چلێ بھێن دێ پتر سەرنجا گەشتیاران بۆ پارێزگەھا دھۆکێ ھێتە راکێشان و گۆت: “ئەڤرۆ ئەم دێ وان نەخشە و پلانێن نوو بەرچاڤ کەین، ئەم ب ھیڤی نە بکەڤنە د وارێ بجە ئینانێ دا بۆ پتر دەولەمەندکرنا دھۆکێ ب ھاتنا گەشتیاران، چونکو دھۆک یا ناڤدارە ب جھێن گەشتیاری ژ بەر ڤێ چەندێ مە بزاڤ کریە تشتێن باشتر بۆ وان جھێن گەشتیاری بھێنە کرن”.
ناڤھاتی ئەو ژی دیار کر کو نەخشە و پلان پتر گرێدایی ھندێ نە چو خزمەتگوزاری ل جھێن گەشتیاری بھێنە ئەنجامدان و چو بھێتە کرن بۆ بازاری و گۆت: “ئەڤرۆ دێ دانوستاندن ل سەر نەخشە وپلانان ھێتە کرن”.