ئەڤ سالە دێ سایلۆیا بەردەرەش گەنمی وەرگریت
ئەڤرۆ نیۆز، قائید میرۆ:
بڕیارە ئەڤ سالە پڕۆژێ ئاڤاکرنا سایلۆیا بەردەڕەش ب دوماھی بھێت و بەرپرسەکێ وەزارەتا بازرگانی ژی ئاماژەکر، دێ ئەڤسالە ل سایلو یا بەردەڕەش ٤٠ ھزار تەنێن گەنمی بھێنە وەرگرتن.
سەردار قوربانی، بەرپرسێ پەیوەندیێن وەزارەتا بازرگانی بۆ ئەڤرۆ نیۆز دیارکر” پڕۆژێ ئاڤاکرنا سایلو یا بەردەڕەش ٨٠%ێ بدوماھی ھاتیە و دھێتە پێشبینی کرن ل چەند ھەیڤێن داھاتی بتەمامی دوماھی بھێت و بکەڤیتە کاری، کو دشیاندایە زێدەتری ٤٠ ھزار تەنێن گەنمی وەر بگریت.
سەردار قوربانی ئاماژەکر” ئەڤسالە دێ مینا سایلویێن شێخان و سێمێل دێ بەرھەمی جووتیارێن دھۆکێ ل سایلو یا بەردەڕەش بھێتە وەرگرتن و مفایەکێ زۆر دێ ھەبیت بۆ جووتیارێن دەڤەرێ.
