ئەڤ سالە 14 تەنێن دەرمانێن دەم ب سەرڤەچووی ل ئاکرێ ھاتینە ژناڤبرن
ئەڤرۆ نیوز، رەمەزان ھەرنی:
بەرپرسێ بنگەھێ چاڤدێرییا بازرگانی ل ئاکرێ بۆ ئەڤرۆ نیوز دیار کر کو وان 34 تەنێن کەرەستێن دەم ب سەرڤەچووی د ڤێ ھەیڤێ دا ژ ناڤبرینە و گۆت: “د ئەڤ سالە دا ژی 110 تەنێن کەرەستێن دەم ب سەرڤەچووی ل ئاکرێ ھاتینە ژناڤبرن”.
شەھاب یاسین، بەرپرسێ بنگەھێ چاڤدێرییا بازرگانی ل ئاکرێ دیار کر کو ژ وان 34 تەنێن کەرەستێن دەم ب سەرڤەچووی یێن د ڤێ ھەیڤێ دا ھاتینە ژناڤبرن 30 تەن کەرەستێن خوارنێ و ڤەخوارنێ بوون و چار تەنێن دەرمانان بوون.
ناڤھاتی ئاماژە دا وێ چەندێ کو ژ دەستپێکا سالا 2018ێ و ھەتا نوکە 110 تەنێن کەرەستێن دەم ب سەرڤەچووی ل ئاکرێ ھاتینە ژناڤبرن ژ وان 96 تەنێن کەرەستێن خوارنێ و ڤەخوارنێ و جوانکاریێ بوون و 14 تەنێن دەرمانان بوون.
