ئەڤ شەڤە دێ باشترین یاریزانێ جیهانی هێتە دەست نیشانکرن
ئەڤرۆ نێوز ، زنار تۆڤی:
ئەڤ شەڤە ل لەندەنا پایتەختێ بریتانیا و د رێورەسمەکێ مەزن و شاهانەدا دێ خەلاتێ باشترینێن جیهانێ The Best ژ لایێ فیدراسیۆنا تەپا پێ یا جیهانی هێتە دابەشکرن.
ئەڤ ئاهەنگە دێ ل دەمژمێر 22:30 ب دەمێ باشورێ کوردستانێ ل هۆلا ئاهەنگێن شاهانە و ب ئامادەبوونا بەرپرسێن فیفایێ و وەرزشڤانێن جیهان برێڤەچێت.
د وێ ئاهەنگێدا دێ چەندین کەسایەتیێن بناڤودەنگێن جیهانی ئامادەبن، ژ وان ژی ئینفانتینۆ، سەرۆکێ فیدراسیۆنا تەپا پێ یا جیهانی، هەروەسا بەرپرسێن فیدراسیۆنێن تەپا پێ یێن وەلاتان، راهێنەر، یاریزانێن ل سەر ئاستێ کوران و خانمان، ئەکتەر و نمایشکار ژی دێ ل وێ ئاهەنگێدا ئامادەبن.
بۆ دەستنیشانکرنا باشترین یاریزانێ جیهانی ل سالا 2018، هەر ئێک ژ کریستیانۆ رۆناڵدۆ، ستێرا پۆرتوگالی و یانا یوڤێنتوس، لوکا مۆدریچ، ستێرا کرواتی و یانا ریال مەدرید و محەمەد سەڵاح، ستێرا میسری و یانا لیڤەرپوول دێ هەڤرکیێ ل سەر برنا ڤی خەلاتی کەن.
