ئەگەر مە ریفراندۆم نەکربا دا چ رویدەت؟
محەمەد مراد
ئەرێ گەلۆ ئەگەر مە ریفراندۆم نەکربا دا چ چێبیت؟! دا هەر ئەو چێبت یا چێبووی، چنکو دوژمنان پلان دارشت بوو، پشتی شەڕێ داعشێ، پلان و پیلان هاتبوو دانان چ ب شەر یان ب خیانەت و یا ن ب دیالۆگ هێزێن پێشمەرگەی، بزڤرن جهێت بەری داعشێ، مخابن هندەك سیاسی و حزبێن کورد ی وەسا ددەن خۆیا کرن، ئەگەر مە ریفراندۆم نەکربا، دا کوردستان بیت شاما شرین، نەخێر وەسا نینە. چنکو بەری ریفراندۆمێ چەند جاران لەشکرێ ئیراقێ هەولا هێرش کرن و دایگرکرنێ کرن، ب هەلوەستێ بارزانی یێ نەتەویی ئەو هێز راوەستاندن و نە هێلان پێشڤە بهێن و کوردستانێ داگیربکەن. پلانا خیانەتا ئۆکتوبەرێ ژی هاتبوو دانان، خۆ ئەگەر دەولەتا کوردی ژی هاتبا راگەهاندن، دا ب شەڕەکێ سەرانسەری ب پشتگیریا ئیرانێ و تورکیا دەولەتێ ژناڤبەن، جارێ ئەگەر ریفراندۆم شکەستن با یان گرنگیا خۆ یا نەتەوایەتی نەبا، چما سەرۆك سەرکردەیێن دەولەتێن ئیرانی، تورکیا هند توورە و تەنگاڤ بوون، هێرشێن توند یێن میدیایێ و سیاسی نەدکرنە سەر کوردان و جەنابێ سەرۆك بارزانی، نوکە ژی ریفراندۆم نە شکستە و ناشکێت، چنکو د ناخ و دەروونێ ملیۆنان کوردان دا هاتیە چەسپاندن و بەلگەا مێژووی یە و دوژمن پێ تەنگاڤ دبن کو کوردێن باشور سەدا سەد، هەر هەمی پێکڤە حەزژ سەربەخۆیا کوردستانێ دکەن و هەردەم ترس د دلێ وان دایە، چ دەمێ کوردێن باشور تەنگاف بکەن، دێ داخوازا ساخکرنا ریفراندۆمێ کەن، هەر وەکو چاوا رێکكەفتنا یازدەی ئادارێ، بەلگەكا مێژووی بوو، کو رژێما ئیراقێ دانپێدان ب کوردان کر و د وی دەمی رازی بوون حوكمێ ئوتونۆمی بدەت کوردێن باشور، ژ لایەکێ دی ڤە ژی بەرێ خۆ بدەین ریفراندۆمێ کا چەند کورد ب هەمی جوداهیێن ئۆلی و نەتەویی و ئایدولۆجێن جودا جودا ل رۆژا ریفراندۆمێ بوونە ئێک رێز و دەنگ ب بەلێ بۆ سەربەخۆیا کوردستانێ دان، ئەها دوژمن و نەحەزێن مللەتێ کورد ژ وێ ئێکرێزیێ ئاگر ل کوردستانێ باراند. شکەستن د ریفراندۆمێ دا نینە، کی شکەست، چ تاك نەبوون بشکێن، بەلکو مللەتێ کورد هەمی ریفراندۆمچی بوون و چو مللەت ناشکێن بەلکو زولم و زۆرداری لێ دهێتەکرن و دوژمن ل دوماهیێ شەرمزار دبن کا چ وا پشتی ریفراندۆمێ شەرمزار بوون و هەلوەستێن خۆ گوهارتن و پەیوەندیێن خۆ بهێزتر لێکرن ل گەل هەرێما کوردستانێ و سەرکەفتنا ریفراندۆمێ سەنگەکا بهێزتر دا کوردان و هەرێما کوردستانێ د چاڤێن نیڤدوەلەتی دا مەزنتر لێهات.
