ئەگەر و نیشانێن زەرکێ ل دەف زارۆیان
ئەڤرۆ نیوز:
گەلەک جاران پشتی چەند رۆژان ژ دایکبوونێ زارۆک توشی زەرکێ دبن، ل دەستپێکێ ئەڤ چەندە ب گوهۆرینا رەنگێ سپیلکا چاڤی بۆ زەری دھێتە گوهۆرین.
مالپەرێ boldsky چەند زانیاریەک دەربارەی توشبوونا زارۆیان ب زەرکێ دیارکرینە، کو توشبوونا زارۆیان ب وێ نەخۆشیێ ب حالەتەکێ ئاسایی دھێتە دانان، لی پێدڤیە ب ھووری و شەھرەزایی مامەلە ل گەل دا بهێتە کرن، ھەتاکو نەخۆشیێن دی لدووڤ دا نەهێن.
ھندەک جاران، ئەگەرێ زەرکێ ژبەر شیردانێ و نەگونجانا جۆرێ شیرێ دایکێ یە بۆ زارۆکی، یان ژی ژبەر کارڤەدانا سییان و خوینێ چێدبیت، ئێکەم نیشان ژی زەربوونا سپیلکا چاڤانە و زەربوونا پیستێ زارۆک یە بۆ زەری، ئەڤ رەوشە ژی ژ دەستپێکا ژ دایکبوونێ ھەتا ٤٠ رۆژان، کو بەرنیاسە ب چلیا زارۆیان روو ددەت.
هەروەسا گەلەک یا گرنەگە ھەر ھەشت بۆ ١٢ دەمژمێران دەمێ زارۆک د نەخۆشخانێ دا پشکنینا زەرکێ بۆ بھێتە کرن.
ژ بلی گوهۆرینا رەنگی، چەند نیشانێن دی یێن زەرکێ ل دەف زارۆیان دەردکەڤن، وەک نەخوارنا شیری، زێدەنەبوونا کێشا وی، گیرۆبوون ژ خەو رابوون و گەلەک گریان.
