بارانێ پرەکا سەرەکی ل دەڤەرا ئاکرێ ژناڤبر
ئەڤرۆ، بارزان مزووری:
بەرپرسێ راگەھاندنا قایمقامیا قەزا ئاکرێ بۆ ئەڤرۆ دیار کر کو ژ ئەنجامێ وێ پێلا باران بارینێ یا ھاتی، پرەکا سەرەکی ل وێ دەرڤێ خرابکر کو رێیا ٢٠ گوندان ل سەر بوو.
ئەحسان خوشەڤی، بەرپرسێ راگەھاندنا قایمقامیا قەزا ئاکرێ ئاشکرا کر، ل دەڤەرا ئاکرێ رێژەکا زۆرا بارانێ ھاتیە و ژ بەر بلند بوونا ئاستێ ئاڤێ ل نێزیک گوندێ کەشکاڤا ژێری یێ سەر ب ناحیا گردەسێن ڤە پرەکا سەرەکی ب تمامی ھاتە خرابکرن و بوویە ئەگەرێ ڤەقەتیانا رێیا پتر ژ ٢٠ گوندێن وێ دەڤەرێ.
ژ بۆ نێزیک ھایداربوون ل سەر رەوش و زیانێن ئەڤێ پرێ و دیتنا چارەسەریەکا ب لەز جەھوەر عەلی، قایمقامێ قەزا ئاکرێ و رێڤەبەرێ رێک و پران ل ئاکرێ سەرەدانا جھێ پرێ کرن و بڕیار دان کو ب زووترین دەم کار ژ بۆ دروستکرنا وێ پرێ بھێتەکرن، دا کو ئاکنجیێن وان دەڤەران تووشی چ ئاستەنگان نەبن”.
