باسم قاسم: ل ڤی وەرزێ تنێ دێ بۆ پشکداریێ یاریێ کەین
ئەڤرۆ، زنار زوبێر:
راھێنەرێ تیما تەپا پێ یا یانا دھۆک دیارکر تیم ل ڤی وەرزی نەشێت ھەڤرکیا ناسناڤێ خولا عیراقێ یا تەپا پێ بکەت ئەوا بریارە ل رۆژا چارشەمبیا بھێت ھەڤرکیێن وێ دەستپێبکەن ژ بەر کاودانێن دارای و گیروبونا بەرھەڤیان.
زێدەتر باسم قاسم د داخویانیێن خوە دا دبێژیت: نێزیکبونا ھەڤرکیێن خولا عیراقێ یا تەپا پێ بۆ یانێن نایاب دەلیڤە نەدا ناف رێزێن تیمێ ب شێوەکێ باشتر رێکبێخین لەورا نەچاربوین ھەڤبەستێ ل گەل یاریکەرێن پیشەکار یێن بھایێ وەکو یاریکەرێ نافخوی زێدەتر پشبەستن ل سەر یاریکەرێن پارێزگەھێ زێدەباری چەند یاریکەرێن عیراقی.
ناڤبری ئاماژە ب وێ چەندێ ژی دا یاریا ئێکێ یا خولێ دێ بەرامبەر یانا تەلەبە کەت و ھەتا نوکە ئەو نەشیایە یاریێن ھەڤالینی ئەنجام بدەت و پێکھاتیەکێ گونجای بەرھەڤ بکەت بۆ ڤێ یاریێ، لەورا دێ بزاڤێ کەت د قوناغا ئێکێ یا خولێ ژدەست نەدەت دووڤ دا د قوناغا دویێ دا دێ دەست ب چارەسەریا خەلەتیێن خوە کەن و چاڤەرێ یە ل ڤی وەرزی تنێ ئەو پشکداریێ د خولێ دا بکەن و دشیان دا نینە ھەڤرکیێ ل سەر ناسناڤی بکەن.
