بایرن میونیخ ٣٨ ملیون یورۆ بۆ یاریزانەکێ تورک بەرھەڤکرینە
ئەڤرۆ نیوز:
یانا بایرن میونخ یا ئەلمانی گرنگیەکا مەزن دەتە ئیمزاکرنا ھەڤبەستێ ل گەل یاریزانەکێ گەنج یێ یانەکا تورکی.
ل دووڤ پەیامەکێ تورا سکای سپورتس یا ئەلمانی یانا بایرن میونخ گرنگیەکا مەزن دایە ئیمزاکرنا ھەڤبەستا عەبدولقادر عومەر یاریزانێ ھێلا ناڤینا تەرابزون سپور یا تورکی.
زێدەتر ئەو چەندە ژی خویاکریە کو یانا ئەلمانی کوژمێ ٣٨ ملیون یورویان بو ئیمزاکرنا ھەڤبەستا ڤی یاریزانێ گەنج یێ ١٨ سالی بەرھەڤکرینە ئەوێ گرێدای ھەڤبەستا یانا خوە یا تورکی ھەتا سالا ٢٠٢٢ێ.
ڤی یاریزانی ل گەل تیما ئێکێ ل ڤی وەرزی پشکداری حەفت یاریان بویە و دو گول تومارکرینە کو ل وەرزێ بوری بو ناڤا پێکھاتیێ تیما ئێکێ ھاتبوو سەرخستن و ل گەل یانا بایرن میونخ یا ئەلمانی چەند یانێن دی یێن ئوروپی دخوازن ھەڤبەستا وی ئیمزا بکەن ژ وانا ئەرسینال یا ئێنگلیزی و ئەتلەتیکو مەدرید یا ئسپانی.