بروسیا دورتموند بریارا دووماھیێ ل سەر دا
ئەڤرۆ:
رۆژنامەیێن ئەلمانی یێن نێزیکی یانا بروسیا دورتموند یا ئەلمانی ئاشکراکرینە یانا دورتموند بابەتێ چوونا ھێرشبەرێ خوە یێ گابونی ئوبامیاننگ ئێکلاکریە پشتی ل چەند دەزگەھێن ئورۆپی بەری نوکە ھاتیە دیارکرن یانا ئەلمانی حەزا فروتنا ئەڤی یاریزانی ھەیە و نێزیک بوویە ھەڤبەستا یانەکا دی ئیمزابکەت.
ئاژنسا دەنگوباسا یا سکای سپورت یا ئەلمانی دیارکر یانا بروسیا دورتموند بابەتێ ئوبامیانگ ئێکلاکر و ئەو دێ یێ بەردەوام بیت ل یانا خوە بۆ وەرزێ بھێت ژی و ئەو داخوازن ئاستەکێ باشتر و ئەنجامێن باشتر ژ وەرزێ بوری ب دەستخوڤە بینن د قارەمانیا چامپیونیز لیگ و بوندس لیگا دا پشتی ل وەرزێ بوری شیان رێزا سیێ ب دەستخوڤە بینن بوندس لیگا دا.
بەری نوکە چەندین رۆژنامەیێن ئورۆپی دەنگوباسێ چوونا ئەڤی یاریزانی بەلاڤەکربوو ھەردیسان ھەر ئێک ژ یانێن لیڤەرپول و چێلسی یێن ئنگلیزی و میلان یا ئیتالی گرنگیەکا مەزن دابوو ئەڤی یاریزانی لێ ل دووماھیێ یانا ئەلمانی دەرگەە بەرامبەر ھەمی یانا دیسان گرت پشتی ل وەرزێ بوری ژی ھەمان سیناریو رویدا کو مەزنێن ئورۆپا شەر سەرا ئوبامیانگ کر ل دووماھیێ رازی نەبوون فروشن .
