بریار ھاتە دان کارمەندێن ساخلەمیێ مۆلەتێن خوە یێن کارکرنێ ل وەزارەتێ تۆمار بکەن
ئەڤرۆ نیوز، لەزگین جوقی:
سەرۆکێ سەندیکا کارمەندێن ساخلەمیی ل پارێزگەھا دھۆکێ بۆ ئەڤرۆ نیوز دیار کر کو بۆردێ ساخلەمیێ یێ سالا 2014ێ ھاتیە پەسەندکرن و بڕیار ل سەر ھاتیە دان کو کارمەندێن ساخلەمیێ ماف یێ ھەی سەرەدەریێ دگەل ھندەک دەرمانان بکەت ب تایبەتی ژی ھاریکارێن نۆشداری دشێن سەرەدەریێ ل گەل لیستا دەرمانێن W.H.O بکەن و گۆت: “بێ ئاگەھداریا سەندیکایێ ھندەک بڕیار یێن ھاتینە دەرکرن”.
نزار سەعید، سەرۆکێ سەندیکا کارمەندێن ساخلەمیی ل پارێزگەھا دھۆکێ بۆ ئەڤرۆ نیوز دیار کر کو پێدڤیە ب وەکھەڤی سەرەدەری دگەل ھەموو کارمەند و نۆشدار و ستافێ ساخلەمیێ بھێتەکرن، د فەرمانا جڤاتا وەزیران دا ژی گەلەک بڕیار یێن ھاتینە دان ئەو ژی بریارا 5308 ئەڤ بریارە گریدای کارمەندێن ساخلەمیێ یە و بریارا 5303 و بریارەکا دی 5302 یە و بریارەکا دی ژی 5305 و گۆت: “د بریارا 5308 ی دا بەحسێ مە ھاتیە کرن یا تێدا گۆتی دڤێت کار بھێتە راگرتن ھەتا وەزارەتا ساخلەمیێ کاری دگەل سەندیکایێ رێک دئێخیت و ھندەک بڕیارێن دی بۆ کارکرنا کارمەندێن ساخلەمیێ بھێنە دەرکرن”.
ناڤھاتی ئاماژە دا وێ چەندێ کو ئەم د بەرھەڤین بچین مۆلەتێن خوە ل وەزارەتا ساخلەمیێ دەربێخین و پێگیریێ ب ھەموو بریاران بکەین ھەکە ھەموو سەندیکایێن دی ژی وەکو سەندیکا نۆشدار و دەرمانساز و نۆشدارێن ددانان د پێگیربن.
