بریتانیا ژبه‌ر موسلمانێن رۆهینگیا هۆشداری دانه میانمارێ
ئه‌ڤرۆ نیوز:
وه‌زیرێ ده‌رڤه یێ بریتانیا، بۆریس جۆنسۆن هۆشداری دانه ئونگ سان سو كیێ سه‌رۆكا دیفاكتۆ یا میانمارێ ل سه‌ر سه‌ره‌ده‌رییا وه‌لاتێ وێ د گه‌ل موسلمانێن رۆهینگیا دا.
جۆنسۆنی په‌یوه‌ندییه‌كا تێله‌فۆنی ب سو كیێ كر و هۆشداری دانێ كو سه‌ره‌ده‌رییا وان د گه‌ل موسلمانێن رۆهینگیا زیانێ ب ناڤێ میانمارێ دگه‌هینیت، هه‌روه‌سا جۆنسۆنی ژ وێ خواست شیانێن خوه یێن تایبه‌ت بكاربينيت بۆ بداویئینانا بنپێكرنێن د ده‌رهه‌قێ موسلمانێن رۆهینگیایی ل ویلایه‌تا راخینا یا میانمارێ دهێنه كرن.
ژ ئالیێ خوه ڤه ئه‌میندارێ گشتی یێ به‌رێ یێ نه‌ته‌وه‌یێن ئێكگرتی، كۆفی ئه‌نان هۆشداری دان كو گه‌ر حكومه‌تا میانمارێ ب ڤی ره‌نگی به‌رده‌وام بیت ل ویلایه‌تا راخینا دێ توندره‌وی ب به‌رفه‌رهی سه‌رهه‌لده‌ت و توندوتیژی به‌ر ب پێشڤه چن.
رۆهینگیایی سوپایێ میانمارێ و گرۆپێن توندره‌و یێن بۆزییان ب سۆتنا گوندێن وان سووچبار دكه‌ن. ژ ناڤه‌راستا مه‌ها بۆری هه‌تا نها ل گۆری گۆتنا نه‌ته‌وه‌یێ ئێكگرتی نێزیكی 100 كه‌س ل راخینا هاتینه كوشتن و پتری 60 هزار رۆهینگیایی ره‌ڤینه و په‌نابه‌ری به‌نگلادشێ بووینه.