بریکارێن ئاھێن خوارنێ گازندان دکەن
ئەڤرۆ نیوز: ھەیفا دۆسکی:
شوونکارێن دھۆکێ گازندا وێ چەندێ دکەن کو ئەو چو مفای ژ کارێ خوە نابینن ژ بەر کو دەما وێ تشتەکی ب سەرڤەدچیت، ھەتا بۆ دھێتە گوھۆڕین وەلاتی گازندان دکەن و ئەو ژ کیستێ خوە بۆ دکرن، ھەتا جارەکا دی دداننە شوونێ.
عەبدولحەمید عەلی برێکارەکێ ئاھێن خوارنێ یە ئاماژە دکەت کو شوونکارێن ئاھێن خوارنێ زەرەرمەندن و چ مفایی ژ وێ شوونکاریێ نابینن، پاشی ناڤبری گۆتژی: “ھەکە حیلێ تێدا نەکەن مفای ژێ نابینن، بۆ نمۆنە بێژیتە خەلکی ھەوە یێ وەرگرتی و ئەو ب خوە بۆ خوە ب فرۆشیت، چونکو حالەت ھەنە وەلاتی چیردرێژیێ ل گەل بریکاری ناکەن”.
زێدەتر گۆت: “ھندەک جاران دەما ئاھێن خوارنێ دھێن ھندەک ژ وان کەڤن دەردچن و ھەتا ئەم دبەین د گوھۆڕین ژی، کریا ترۆمبێلێ ژ کیستێ مەیە و ھەتا یێ دی بھێت حەفتیەکێ ڤەدکێشیت، نەچاردبین ژ کیستێ خوە بکرین ھەتا یێ دی دھێت.
ئاشکەرا ژی کر کو ئەو ھەیڤانە ٦٠ ھزار دیناران ژ رێڤەبەریا ئاھێن خوارنێ وەردگرن و ھندەکێن دی دداننە سەر ھەتا کریا دوکانێ ددەن.
حەجی مستەفا موسا بریکارەکێ دی یێ ئاھێن ئاری یە وەسا خویا دکەت کو کو ئەو مفادارترن ژیێن ئاھێن خوارنێ ژ بەر کو ئەو ئاری ژ خودانان دکرن و دفرۆشن.
ژ لایەکێ دی ڤە ئەحمەد تەھا رێڤەبەرێ ئاھێن خوارنێ ل پارێزگەھا دھۆکێ بۆ ئەڤرۆ نیوز گۆت: “ھەر کەسێ دبیتە بریکارێ ئاھێن خوارنێ ب کەیفا خوە وەردگریت و ئەم زۆریێ ل کەسێ ناکەین”.
زێدەتر گۆت: “رەوشا بریکارێن ئاھێن خوارنێ ل ھەرێما کوردستانێ ژ ھەموو عیراقێ باشترە چونکو ئەڤە ھاریکاریەکە ژ حوکمەتێ نە زێدەتر”.
ئاشکەرا ژی کر کو ئاھێن خوارنێ یێن دەم ب سەرڤە دچیت، ئەو د گوھۆڕن و ل شوونا وان ھندەکێن دی ددەنێ دا کو بدەنە وەلاتیان.
ل سەرانسەری پارێزگەھا دھوکێ ھزار و ٣١٤ بریکارێن ئاھێن خوارنێ ھەنە د گەل ٢٦٢ بریکارێن شنگالێ.
