بزانه بوو چونا خوه ژ ریال مه‌درید ڤالڤێردى چ گوت
ئه‌ڤرۆ نیوز:
ستێرا گه‌نچ یا یانا ریال مه‌درید و یاریزانێ هه‌لبژارتیێ ئورگواى ڤیدى ڤالڤێردى د داخویانیه‌كا رۆژنامه‌ڤانى دا چاره‌نڤێسێ خوه ل گه‌ل ریال مه‌درید دیاركر.
زێده‌تر وى یاریزانى بوو مالپه‌رێ ABC یێ ئیسپانى دیاركر ئه‌و هزر ل چوونا خوه ژ ریال مه‌درید نه‌كریه و ناخوازیت یاریێ ژبلى ریال مه‌درید ل چ یانێن دى بكه‌ت و ئه‌ڤه خه‌ونا وى یا مه‌زن بوو كو ئه‌و یاریێ ل ڤێ یانێ بكه‌ت و دخوازیت هه‌تا دووماهیا ژیانا خوه یاریێ ل ڤێ یانێ بكه‌ت .
هه‌ردیسان ناڤبرى دیاركر ژى ئه‌و گه‌له‌ك حه‌ژ یانا ریال مه‌درید دكه‌ت و ئه‌و یانا ریال ب مالا خوه دبینت و دخوازیت هه‌موو ناسناڤان ل گه‌ل ڤێ یانێ ب ده‌ستخوڤه بینت .
هه‌ژى گوتنێ یه ڤالڤێردى ل وه‌رزێ ئه‌ڤ ساله ئێك ژ یاریزانێن هه‌ره گرنگ ل ناڤا پێكهاتیێ ریال مه‌درید و راهێنه‌رێ یانا ریال مه‌درید پشت به‌ستنه‌كا مه‌زن ئێخستى یه سه‌ر شیانێن ڤى یاریزانى ل وه‌رزێ ئه‌ڤ ساله.
