بزانه راكیتچ چ گوت بوو ره‌وشا خوه یا نوكه ل گه‌ل به‌رشه‌لۆنا
ئه‌ڤرۆ نیوز:
یاریزانێ هێلا ناڤینا هه‌لبژارتیێ كرواتیا و یانا به‌رشه‌لۆنا ئیڤان راكیتچ دیاركر ئه‌و ره‌وشا خوه یا ڤێ گاڤێ ل گه‌ل به‌رشه‌لۆنا نزانیت .
راكیتچ ئه‌وێ ل وه‌رزێ ئه‌ڤ ساله د ره‌وشه‌كا نه باش دا ل گه‌ل یانێ بورینت تایبه‌ت پشتى ل وه‌رزێ ئه‌ڤ ساله راهێنه‌رێ وێ یانێ ڤالڤێردى پشت به‌ستن ل سه‌ر نه‌كرى ل زوربه‌یا یاریان دا و ئه‌و چه‌نده ژى بوویه جهێ نه ئارامیا وى یاریزانى و به‌رى ماوه‌كى هاتبوو دیاركرن ئه‌و یاریزان دێ ل ڤه‌گوهاستنێن بهێت په‌یوه‌ندى ب یانه‌كا دى كه‌ت، زێده‌تر وى یاریزانى د داخویانیه‌كێ دا بوو رۆژناما موندو دیپورتیڤو دیاركر ئه‌و دخوازیت به‌رده‌وام یارى ل گه‌ل ڤێ یانێ بكه‌ت و ئه‌وى باوه‌رى ب شیانێن خوه هه‌یه بشێت یاریێ وه‌كو یاریزانه‌كێ سه‌ره‌كى ل گه‌ل ستێرێن به‌رشه‌لۆنا بكه‌ت ژبه‌ركو هێشتا د شیانێن ئه‌وى دا هه‌یه.
سه‌باره‌ت چاره‌نڤیسێ وى ل گه‌ل به‌رشه‌لۆنا ناڤبرى دیاركر ئه‌و نزانیت ل پاشه‌رۆژێ دێ چ رویدات و ئه‌و چ ژ ره‌وشا خوه نزانیت لێ ئه‌و دخوازیت به‌رده‌وام بیت ل گه‌ل به‌رشه‌لۆنا و یاریێ بكه‌ت ژبه‌ركو هه‌كه ده‌لیڤه‌یا كرنا یاریێ بوو ئه‌وى هه‌بیت ئه‌و نابینت چ یانه ژ به‌رشه‌لۆنا باشتر بوو ئه‌وى .
راكیتچ ل دووماهیێ سه‌باره‌ت هه‌ردو یاریێن بورى وه‌كو یاریزانه‌كێ سه‌ره‌كى كرى ل گه‌ل پێكهاتیێ یانێ پشتى ده‌مه‌كێ درێژ ناڤبرى دیاركر ئه‌وى ل گه‌ل یانێ حه‌فتیه‌كا سه‌ركه‌فتى ده‌رباز كر و دێ بزاڤا كه‌ت ئاسته‌كێ باشتر پێشكێش بكه‌ت بوو رازیكرنا جه‌ماوه‌رێ یانێ و راهێنه‌رێ یانێ.
