بزانه راهێنه‌رێ به‌رشه‌لۆنا بوو یاریا ئه‌ڤرۆ چ گوت
ئه‌ڤرۆ نیوز:
بریاره ئه‌ڤرۆ ل ده‌مژمێر 5:00 ئێڤارى هه‌ردو یانێن به‌رشه‌لۆنا و خیتافى ل یاریگه‌ها كولسیوم ئه‌لڤونسو پێریز یا تایبه‌ت ب یانا خیتافى ڤه هه‌مبه‌رى ئێك به‌ن ژ چارچوڤێ یاریێن گه‌را حه‌فتێ ژ خۆلا لالیگا ئیسپانیا كو بوو ڤێ یاریێ راهێنه‌رێ یانا به‌رشه‌لۆنا بۆ ده‌زگه‌هێن راگه‌هاندنێ دیاركر یانا خیتافى تیمه‌كا ب هێزه و ئه‌و ب شێوه‌كێ گه‌له‌ك باش د هێرشبرنێ دا به‌لاڤه‌دبن و شێوازێ كرنا یاریا ئه‌وان گه‌له‌ك یێ رێكوپێكه.
زێده‌تر ڤالڤێردى دیاركر ئارمانجا ئه‌وان سه‌ركه‌فتنه و پێنگاڤه‌كێ بوو پێشڤه پاڤێژین د لیسته‌یا خولێ دا و ئه‌و دێ بزاڤێ كه‌ن یاریا به‌رامبه‌ر خیتافى بیته ده‌رگه‌هێ سه‌ركه‌فتنا ژ ده‌رڤه‌ى یاریگه‌ها كامپ نوو .
سه‌باره‌ت سوارێزى ناڤبرى دیاركر سوارێز یاریزانه‌كێ گولكه‌ره و ئه‌و پێدڤى ب ده‌مى یه هه‌تا ب كه‌ڤیته سه‌ر ئاستێ خوه یێ جاران و هه‌ر ده‌مێ ره‌وشا وى ب تمامى یا باش بیت دێ مفایه‌كێ مه‌زن ژ شیانێن ئه‌وى بینن.
ل دووماهیێ سه‌باره‌ت میسى ڤالڤێردى دیاركر ئه‌و نزانیت كا دوركه‌فتنا وى هه‌تا كه‌نگى یه لێ ئه‌و یێ ب هیڤى یه ئه‌و دێ نێزیكترین ده‌م ڤه‌گه‌ریته یاریگه‌هان .
