بزانه راهێنه‌رێ به‌رشه‌لۆنا پشتى خوساره‌تیێ چ گوت
ئه‌ڤرۆ نیوز:
پشتى خوساره‌تیا شه‌ڤا بورى یا یانا به‌رشه‌لۆنا ل گه‌ل یانا ئه‌تله‌تیكو بلباو د یاریا ده‌ستپێكا خولێ راهێنه‌رێ یانا به‌رشه‌لۆنا ڤالڤێردى بوو ده‌زگه‌هێن راگه‌هاندنا ئیسپانى دیاركر كرنا یاریێ ل گه‌ل یانا بلباو ل یاریگه‌ها وێ كاره‌كێ ب سانه‌هى نینه لێ د شیان دا هه‌بوو ئه‌و بشێن ب ئه‌نجامه‌كێ باشتر ده‌ركه‌ڤن ژ یاریێ كو ل نیڤا ئێكێ ئاستێ تیما ئه‌وان نه ل ئاستێ پێدڤى بوو هه‌ر چه‌نده دو ده‌لیڤه‌یێن مسوگه‌ر یاریزانێن ئه‌وان ژ ده‌ستدان و ل نیڤا دوێ ئه‌و شیان كونترولێ ل سه‌ر یاریێ بكه‌ن و نێزیكى سه‌ركه‌فتنێ بوون لێ ب هێرشه‌كا هه‌ڤدژ بلباو شیا گوله‌كێ توماربكه‌ت .
هه‌ردیسان ناڤبرى دیاركر ژى ل یاریێن بهێت تیما ئه‌وان دێ باشتر و ب هێزتر هێته دناڤ هه‌ڤركیێ دا .
سه‌باره‌ت هنگافتنا سوارێز ناڤبرى دیاركر ده‌ركه‌فتنا سوارێز كارتێكرن ل سه‌ر پێكهاتیێ ئه‌وان كر ژبه‌ركو به‌رى یاریێ ئه‌وان میسى ژ ده‌ستدابوو ژبه‌ر هنگافتنێ و ده‌ركه‌فتنا سوارێزى ژى بوو باره‌كێ گرانتر ل سه‌ر ئه‌ركێ ئه‌وان .
ل دووماهیێ سه‌باره‌ت میسى ناڤبرى دیاركر هه‌ر یاریه‌كا میسى نه‌كه‌ت بێ گومان كارتێكرن ل سه‌ر ئاستێ تیمێ هه‌یه چونكو میسى ژ ئه‌وان یاریزانایه دشێت هه‌ر خوله‌كه‌كێ دا گوهورینێ بخێته یاریێ و ب كێمترین ده‌رڤه‌ت گوله‌كێ توماربكه‌ت یان ئێكێ دروست بكه‌ت.
