بزانه‌ راهێنه‌رێ گه‌لاته‌سه‌راى بوو یاریا به‌رامبه‌ر ریال مه‌درید چ گوت

ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه‌ ل یاریگه‌ها تورك تیلكوم ب باژێرێ ئیسته‌نبول هه‌ردو یانێن گه‌لاته‌سه‌راى یا توركى و یانا ریال مه‌درید یا ئیسپانى هه‌مبه‌رى ئێك به‌ن ژ چارچوڤێ یاریێن گه‌را سیێ ژ قاره‌مانیا چامپیونیس لیگا ئورۆپا كو راهێنه‌رێ وێ یانا توركى فاتح ته‌ریم د داخویانیه‌كا رۆژنامه‌ڤانى دا بوو ده‌زگه‌هێن راگه‌هاندنێ دیاركر ئه‌ڤ یارى یه‌ بوو هه‌ردو یانان دێ گه‌له‌ك یا ب زه‌حمه‌ت بیت و یاریه‌كا چاره‌نڤیسى یه‌ بوو هه‌ردو تیمان.
هه‌ردیسان ناڤبرى دیاركر ژى راسته‌ نوكه‌ ریال ل رێزا دووماهیێ دهێت د كومێ دا لێ ئه‌ڤه‌ وێ چه‌ندێ ناگه‌هینت كو تیمه‌كا نه‌باشه‌ و ریال مه‌درید یانه‌كا مه‌زن و خودانا چه‌ندین ستێرێن به‌رنیاسه‌ ل سه‌ر ئاستێ جیهانى و د شیانێن ئه‌وان دا هه‌یه‌ ب ڤه‌گه‌رنه‌ ئاستێ خوه‌ یێ جاران.
ناڤبرى سه‌باره‌ت زێدان دیاركر ئه‌و ئێك ژ راهێنه‌رێن خودان شیانه‌ ل سه‌ر ئاستێ جیهانێ و د شیانێن ئه‌وى دا هه‌یه‌ ئه‌و ئه‌نجامێن سه‌ركه‌فتى باشتر بوو ڤێ یانێ توماربكه‌ت و ئه‌وا نوكه‌ ئه‌و تێدا د بوریت ب سه‌رێ هه‌ر یانه‌كێ دهێت و ب نورمالى دبینت .
هه‌ژى گوتنێ یه‌ هه‌ردو یانه‌ نوكه‌ ئێك خال هه‌نه‌ ژ دو یاریێن بورى ژ وه‌كهه‌ڤیه‌كێ و خوساره‌تیه‌كێ .

کۆمێنتا تە