بزانه زێدان پشتى سه‌ركه‌فتنا ل سه‌ر ئوساسونا چ گوت
ئه‌ڤرۆ نیوز:
پشتى یانا ریال مه‌درید ئه‌ڤرۆ شیاى سه‌ركه‌فتنه‌كا گرنگ ژ ده‌رڤه‌ى یاریگه‌ها خوه ل سه‌ر یانا ئوساسونا توماربكه‌ت ب چار گولان به‌رامبه‌ر گوله‌كێ ژ چارچوڤێ یاریێن حه‌فتیا 23 ژ خۆلا ئیسپانیا یا ته‌پا پێ و ب ڤێ سه‌ركه‌فتنێ ریال به‌رده‌وامى دا سه‌ركێشیا خولێ.
راهێنه‌رێ یانا ریال مه‌درید زێدان پشتى وێ سه‌ركه‌فتنێ بۆ ده‌زگه‌هێن راگه‌هاندنێ دیاركر ئه‌و پێدڤى ب وێ سه‌ركه‌فتنێ بوون ژبه‌ر وێ خوساره‌تیا د كاسا ئیسپانیا دا و ده‌ستپێكا ڤێ یاریێ بوو ئه‌وان یا ب زه‌حمه‌ت بوو تایبه‌ت ل 15 ده‌قیقه‌یێن ده‌ستپێكێ ڤشاره‌كا مه‌زن ل سه‌ر ئه‌وان بۆ لێ پاش ئه‌و شیان كونترولا یاریێ بكه‌ن و ب ئه‌نجامه‌كێ مه‌زن و سه‌ركه‌فتیانه ژ یاریگه‌هێ ده‌ركه‌ڤن .
سه‌باره‌ت ئیسكو كو دڤێ یاریێ دا ئاسته‌كێ بلند پێشكێشكر ناڤبرى دیاركر ئه‌و نزانیت كا ئه‌ڤه باشترین یاریا وى یان نه لێ ئه‌و ئێك ژ یاریزانێن خودان شیان و ئه‌وى شیانێن گه‌له‌ك مه‌زن هه‌نه ئه‌و گه‌له‌ك یێ كه‌یفخوشحال بوو ب ئاستێ وى و هه‌ردیسان ده‌ستخوشى ل هه‌موو یاریزانێن خوه كه‌ت بۆ ئه‌و ئاستێ ئه‌وان یێ نایاب ئه‌وێ دڤێ یاریێ دا پێشكێشكرى.
سه‌باره‌ت بێل و هازارد راهێنه‌رێ ریال مه‌درید دیاركر ئه‌و ده‌م نه هاتیه داخوازیا هازارد بكه‌ین و ئه‌وان نوو ژ هنگافتنێ ڤه‌گه‌ریا و پێدڤى ده‌مى یه هه‌تا ب تمامى ڤه‌گه‌ریت و ل گه‌له‌ك یاریێن دى ل پێشیا ئه‌وان و سه‌باره‌ت بێل ئه‌و یاریزانه‌كێ باشه و هه‌رده‌م كارتێكرنا خوه ل ناڤا تیمێ دا هه‌یه .