بزانه كريستيانۆ رونالدۆ ل رێزا چه‌ندێ يه دليستا گرانترين ياريكه‌رێن جيهانێ دا
ئه‌ڤرۆنيوز:
كوربه‌ندێ جيهانى يێ ته‌پا پێ ليستا گرانترين 100 ياريكه‌ر دجيهانێ دا ئاشكراكر دئامارا خوه يا سالانه دا كو ل مه‌ها كانوونا دويێ ده‌ردكه‌ت.
ئه‌وا نه‌چاڤه‌رێكرى د وێ ليستێ دا، رێزبه‌ندا ياريكه‌رێ پورتۆگالى وستێرا ريال مه‌دريد (كريستيان رونالدۆ)ناڤ وێ ليستێ دا بوو كو ل رێزا 49 هات وبهايێ وى 80.4 مليۆن يورۆ بوون.
ياريكه‌رێ به‌رازيلى يێ يانا پاريس سان جيرمان (نيمار دا سيلڤا) ل ريزا ئێكێ هات ويێ ئه‌رجه‌نتينى ميسى ل رێزا دويێ هات ويێ ئينگليزى هارى كين ل رێزا سيێ هات.
ياريكه‌رێ ئيسپانى يێ يانا ريال مه‌دريد (ئيسكۆ) دوێ ليستێ دا وه‌كو بهاترين يارێكه‌رێن ريال مه‌دريد هاته دياركرن كو بهايێ وى 85،4 مليۆن يورۆ بوون ول رێزا 45 هات ئانكو به‌رى رونالدۆى ب چار رێزان هات.
10 ناڤێن ئێكێ دليستا بهاترين ياريكه‌رێن ته‌پا پێ ل جيهانێ ب ڤێ شێوه‌ى بوو:
- نيمار (213 مليۆن يورۆ).
- ميسى (202.2 مليۆن يورۆ).
- هارى كين (194.7 مليۆن يورۆ).
- كليان مبابى (192.5 مليۆن يورۆ).
- پاولۆ ديبالا (174.6 مليۆن يورۆ).
- ديلى ئالى (171.3 مليۆن يورۆ).
- دى بروين (167.8 مليۆن يورۆ).
- لوكاكۆ (164.8 مليۆن يورۆ).
- ئه‌نتوان گريزمان (150.2 مليۆن يورۆ).
- پۆل بۆگبا (147.5 مليۆن يورۆ).
