بزانە ئەڤ ھێکە ل کیرێ بوون
ئەڤرۆنیۆز، ئەیاد بەرواری
پشتی ل چەند رۆژێن بۆری وێنەکێ ھێکا ل سەر تۆرا جڤاکی یا فیسبووکی بەلاڤبووی، کو تێدا دیاردبیت دیرۆکا بەرھەمئینانا وان ل ١٠/٢/٢٠١٦ ێ یە، د دەنگوباسەکێ ئاژانسا (سومەریە نیۆز) دیاردبیت کو ئەو ھێکە ل پارێزگەھا دیالا یێن ھاتینە دیتن. رێڤەبەرێ چاڤدێریا بازرگانی ژی بۆ (ئەڤرۆنیۆز) دووپات کر کو تیمێن وان ل چو دەڤەرێن پارێزگەھا دھۆکێ ئەو جۆرە ھێکە نەدیتینە.
عەبدولا ماسیکێ رێڤەبەرێ چاڤدێریا بازرگانی ل پارێزگەھا دھۆکێ بۆ (ئەڤرۆنیۆز) گوت” تیمێن مە ل سەرانسەری پارێزگەھا دھۆکێ چو ھێک کو ١٠/٢/٢٠١٦ ل سەر نڤیسی، ل چو مارکێتەکێ یان جھەکی نەدیتینەئانکو ئەڤ ھێکە ل پارێزگەھا دھۆکێ نینن و کەسەکێ ژی ئەم ئاگەھدار نەکرینە کو ل فلان جھی یێن دیتین، بەلکو تنێ وێنەکێ ل فیسبووکی یێ بەلاڤ بووی و بەلکو ل وەلاتەکێ دی بیت”.
ل دووڤ دەنگوباسەکێ ئاژانسا (سومەریە نیۆز) کو ئەڤرۆ بەلاڤبووی، ئەو ھێک ل پارێزگەھا دیالا بوون کو ل بازارێن وێ دھێتە فرۆتن.
ل دووڤ وی سایتێ، کەرەستێن خوارنێ ژ مسرێ و ئیرانێ و سووریێ و چینێ دھێنە عیراقێ و گەلەک جاران ناھێنە پشکنین دەمێ دھێنە دناڤ سنۆرێ عیراقێ دا.
رێڤەبەرێ چاڤدێریا بازرگانی ل دھۆکێ دووپات دکەت، کو ل دەرگەھێ سنوریێ ئیبراھیم خەلیل، کونترۆلا جۆری یا ھەی و ب چو شێوەکی ھەکە ئەو ھێک ھاتبان، دەرباز نەدبوون.
