بزانە بوو گوھورینا راھێنەری سیبایوس چ گوت
ئەڤرۆ نیوز:
یاریزانێ ھێلا ناڤینا یانا ریال مەدرید و ھەلبژارتیێ ئیسپانیا دانی سیبایوس دیارکر گوھورینا راھێنەرێ یانێ د ڤی دەمی دا دبینت گەلەک بریارەکا سەرکەفتی بوو ب ھاتنا راھێنەرێ نوو زێدان ئەو یێ کەیفحوشحالە تایبەت پشتی سەرکەفتنا ل سەر یانا سالتاڤیگو ل شەڤا بوری ژ چارچوڤێ یاریێن گەرا ٢٨ ژ خولێ ب دو گولان بێ بەرامبەر .
زێدەتر سیبایوس بۆ رۆژناما مارکا ئیسپانی دیارکر ئارمانجا ئەوان ل ھەموو یاریێن بھێت ئەوە بشێن ئەنجامەکێ باشتر ژ یاریێن بوری توماربکەن و خولێ ب باشترین شێوە ب دووماھیی بینن و د پێنگاڤا ئێکێ دا ئەو ل گەل راھێنەرێ نوو زێدان د سەرکەفتی بوون ئەڤە وێ چەندێ دیارکر دکەت گوھورینا راھێنەری یا سەرکەفتی بوو ل ڤی دەمی.
زێدەتر ناڤبری دیارکر ژی پشت بەستن ل سەر بێل و ئیسکو ل یاریا شەڤا بوری ئێک ژ خالێن ھەرە گرنگ بوو ژبەرکو دبینت ئەو ھەردو یاریزان کلیلا سەرکەفتنێ یە یانا ریال مەدرید .
سەبارەت نە پشکداریا وی د یاریێ دا ناڤبری دیارکر ئەو گرێدای ھەڤبەستا یانێ یە و ئەو رێزگرتنێ ل بریارا راھێنەرێ خوە دگریت ھەر دەمێ ئەوی داخواز بکەت بوو یاریێ ئەو دێ یێ بەرھەڤبیت بتنێ یا گرنگ ئەوە یانە ئەنجامێن باش ب دەستخوڤە بینت بوو دەلیڤەیا کرنا یاریێ گەلەک دەم بەر وی مایە و دەلیڤە بوو ئەوی ژی دێ ھەبیت.
ھەژی گوتنێ یە سیبایوس ل وەرزێ ئەڤ سالە ل گەل سولاری پشکداری ٢٥ یاریان دا کریە کو زوربەیا ئەوان وەکو یاریزانەکێ پێگوھور ھاتیە دناڤ یاریێ دا.
