بزانە بەری پێنچ سالان چو بەحسێ بەرشەلۆنا کربوو
ئەڤرۆ نیوز:
پشتی ب فەرمی یاریزانێ کولومبی و یانا ڤالنیسیا جیسون موریلو ھاتیە ڤەگوھاستن بوو پێکھاتیێ یانا بەرشەلۆنا ھەتا دووماھیا ڤی وەرزی یاریزانێ ناڤبری د داخویانیەکا رۆژنامەڤانی دا کیفخوشحالیا خوە بەرامبەر ھاتنا خوە بوو ناڤا پێکھاتیێ یانا کەتەلونی دیارکر .
ناڤبری زێدەتر بوو رۆژناما موندو دیپورتیڤو یا کەتەلونی دیارکر ئەو گەلەک یێ کەبخوشحالە ب ئیمزاکرنا ھەڤبەستا خوە ل گەل یانا بەرشەلۆنا و ئەو دبینت نوکە خەونا وی ب جە ھاتیە و ل سەر مللێن وی پێدڤی یە بشێت ڤێ خەونا خوە درێژتر لێ ب کەت ل گەل ڤێ یانێ و بشێت ئاستەکێ بدلێ جەماوەر و بەرپرسێن ڤێ یانێ پێشکێش بکەت بیتە جھێ رازیبوونا حەژێکەرێن ڤێ یانێ.
ھەردیسان موریلو ئاماژە ب وێ چەندێ ژی کر ل وەرزێ ٢٠١٢-٢٠١٣ ل گەل یانا لاس پالماس یاری کر و بەر ب باژێرێ بەرشەلۆنا چوون بوو ئەنجامدانا یاری ل گەل وێ یانێ و ئەوی وی دەمی بوو ھەڤالێن خوە دیارکر رۆژەک ژ رۆژا دێ ھێت ئەو دێ درێسێ بەرشەلۆنا یاری کەت و ئەو د بینت نوکە ئەو شیا وێ ئارمانجا خوە ب جە بینت بتنێ ل سەر وی مایە ئەو بەردەوامی ب دەتە وێ ئامانجا خوە و خەونا خوە ژبەرکو خەونا ھەر یاریزانەکێ جیھانێ یە نوکە یاری ل یانەکا وەکو بەرشەلۆنا بکەت.
ھەژی گوتنێ یە موریلو ل وەرزێ بوری ژ یانا ئەنتر میلان یا ئیتالی ب شێوەیێ خواستن ھاتبوو ڤەگوھاستن بوو یانا ڤالنیسیا و ل وەرزێ ئەڤ سالە ڤالنسیا ب فەرمی ئەو یاریزان ژ وێ یانا ئیتالی کری و پشتی وی ئاستێ بلند ل گەل وێ یانێ یانا بەرشەلۆنا ب شێوەیێ خواستن یاریزان بۆ ماوێ شەش ھەیڤان ژ وێ یانێ ڤەگوھاست دناڤا پێکھاتیێ خوە و شیانێن کرینا یاریزانی ژی ل دووماھیا ڤی وەرزی ھەیە ب مەرجەکی ئەوژی ٢٥ ملیون یورۆیا بدەتە یانا ڤالنسیا.